ۇرلانعان كولىكتەردىڭ 775ء-ى تابىلعان.
مۇنداي دەرەكتەردى ق ر ءىىم كريمينالدىق پوليسيا دەپارتامەنتىنىڭ اعا جەدەل ۋاكىلى قۇديار نۇرسەيىتوۆ كەلتىردى، دەپ حابارلايدى Almaty-akshamy.kz.
«ەڭ ءجيى ۇرلاناتىن كولىكتەرگە كەلسەك، بۇل جەردە Toyota، Lexus كولىكتەرى ءجيى ۇرلاناتىنىن ايتۋعا بولادى. بيىل 60-تان استام كولىككە ىزدەۋ جاريالاندى. ونىڭ 85 %-ى تابىلىپ، يەلەرىنە قايتارىلدى»، - دەدى ول.
ونىڭ سوزىنە قاراعاندا، تمد ەلدەرىنىڭ اراسىندا ۇرلانعان كولىكتەردى بىر-بىرىنە قايتارۋ بويىنشا تىعىز بايلانىس بار.
«بىرلەسكەن جۇمىستاردىڭ ارقاسىندا كەيىنگى 5 جىلدا تمد ەلدەرىنان قازاقستاندا ۇرلانعان 50-دەن استام اۆتوكولىك تابىلدى.
ال ءبىزدىڭ ەلدەن دوستاستىق مەملەكەتتەرىنىڭ اۋماعىندا ۇرلانعان 200-گە جۋىق اۆتوكولىك ىزدەستىرىلدى.
جىل باسىنان بەرى 909 كولىك ۇرلانسا، ولاردىڭ 775ء-ى تابىلىپ، زاڭدى يەلەرىنە قايتارىلدى.
وسىنداي قىلمىستاردى جاساعان 19 قىلمىستىق توپ ۇستالدى. ءقازىر ولاردىڭ حالىقارالىق بايلانىستارى تەكسەرىلىپ جاتىر»، - دەدى جەدەل ۋاكىل.