جىل باسىنان بەرى ەلىمىزدە 29620 ورىنعا ارنالعان 307 مەكتەپكە دەيىنگى ۇيىم اشىلدى. ولاردىڭ 3ء-ۋى مەملەكەتتىك، 304ء-ى جەكە بالاباقشا. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە مەكتەپكە دەيىنگى ءبىلىم بەرۋ دەپارتامەنتىنىڭ ديرەكتورى ناتاليا جۇمادىلدايەۆا باياندادى، دەپ حابارلايدى almaty-akshamy.kz
«سوڭعى 5 جىلدا بالاباقشاعا جولداما الۋ كەزەگى ەكى ەسەگە تومەندەدى. 2025 جىلعا دەيىن 2-3 جاستاعى بالالار ءۇشىن تاعى دا 223 ورىن اشۋ جوسپارلانىپ وتىر. سول ارقىلى حالىقتىڭ مەكتەپكە دەيىنگى ۇيىمدارعا دەگەن قاجەتتىلىگىنىڭ 70 پايىزدان استامىن قامتۋ جوسپارلانۋدا. قازىرگى تاڭدا مەكتەپكە دەيىنگى ءبىلىم بەرۋ ۇيىمدارىنا قويىلاتىن باستى تالاپ - سانعا ەمەس، ساپاعا جۇمىس جاساۋ. مەملەكەت باسشىسىنىڭ تاپسىرماسى اياسىندا 2023 جىلى 20 مىڭنان استام پەداگوگ بىلىكتىلىگىن ارتتىرادى، سونداي-اق، 79 مەكتەپكە دەيىنگى ۇيىمدا «قۇزىرەتتىلىك ورتالىقتارى» تۇراقتى نەگىزدە جۇمىس جاسايدى»، - دەپ اتاپ ءوتتى ناتاليا جۇمادىلدايەۆا.
سوڭعى ءتورت جىلدا تاربيەشىلەردىڭ ەڭبەكاقىسى كەزەڭ-كەزەڭىمەن 25%-عا ءوستى. 2023 جىلدىڭ قىركۇيەگىندە جالاقى تاعى دا 30%-عا كوتەرىلەدى. سونىمەن قاتار، مەكتەپكە دەيىنگى ءبىلىم بەرۋ ۇيىمدارىنا كەزەككە تۇرۋدىڭ ءبىرىڭعاي بازاسىن ەنگىزۋ جۇزەگە اسىرىلادى. بۇل قىزمەتتەردىڭ اشىقتىعىن قامتاماسىز ەتەدى، دەرەكتەردىڭ ءبىرىڭعاي ءتىزىلىمىن قالىپتاستىرادى جانە سىبايلاس جەمقورلىق تاۋەكەلدەرىن ازايتادى.