جىل باسىنان بەرى ءتارتىپ ساقشىلارى ەكولوگيالىق زاڭنامانى بۇزۋدىڭ 7 مىڭنان استام فاكتىسىن انىقتادى.
بۇل تۋرالى ءىىم بريفينگىندە ايتىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
زاڭسىز اينالىمنان تىيىم سالىنعان 15 مىڭ مەتردەن استام بالىق اۋلاۋ تورلارى، 9 توننا بالىق جانە بالىق ونىمدەرى، شامامەن 3،5 مىڭ اقبوكەن ءمۇيىزى، 135 اڭشى مىلتىعى، 81 تەكشە مەتر زاڭسىز كەسىلگەن اعاشتار تاركىلەندى. بالىق ونىمدەرىنىڭ زاڭسىز اينالىمىنا توسقاۋىل قويۋ ماقساتىندا جايىق-كاسپيي باسسەينى اۋماعىندا “بەكىرە” جەدەل-پروفيلاكتيكالىق ءىس-شاراسى وتكىزىلىپ جاتىر.
«ماڭعىستاۋ وبلىسىنىڭ ءتۇپقاراعان اۋدانىندا ءبىر ۇيدە ءتىنتۋ جۇرگىزۋ بارىسىندا جالپى سالماعى 72 كگ بولاتىن 13 دانا بەكىرە بالىعى تاركىلەندى. اتىراۋ وبلىسىندا جايىق جاعالاۋىن پاترۋلدەۋ كەزىندە كۇدىكتىلەردەن 6 قاپشىققا سالىنعان 30 دانا بەكىرە جانە سازان بالىقتارى تابىلىپ، “بەكىرە تۇقىمداس بالىقتى ءوسىرۋ زاۋىتىنا” تاپسىرىلدى»، – دەدى دەپارتامەنت باستىعى – ءىىم رەسمي وكىلى شىڭعىس الەكەشيەۆ.
سونىمەن قاتار ءقازىر رەسپۋبليكا كولەمىندە حالىقتان زاڭسىز ساقتالعان قارۋ مەن وق-دارىلەردى ساتىپ الۋ اكسياسى جۇرگىزىلىپ جاتىر. اكسيا باستالعالى بەرى ىشكى ىستەر ورگاندارىنا ازاماتتار تاراپىنان 422 اتىس قارۋى تاپسىرىلدى.