بي ونەرىنە ارنالعان اتاۋلى كۇن 1982 جىلى يۋنەسكو-نىڭ حالىقارالىق بي كەڭەسىنىڭ باستاماسىمەن بەكىتىلدى، دەپ حابارلايدى اlmaty-akshamy.kz.
بۇل مەرەكەنىڭ 29 ساۋىرگە بەلگىلەنۋىنىڭ وزىندىك سەبەبى بار. بۇل كۇنى فرانسۋز بالەت ءبيشىسى، تەورەتيگى، بالەت ونەرىندە رەفورما جاساعان «زاماناۋي ءبيدىڭ اكەسى» جان-جورجە نوۆەررە دۇنيەگە كەلگەن. مەرەكە بۇكىل الەمدە اتاپ وتىلەدى.
حالىقارالىق بي كۇنى قارساڭىندا لاتۆيادا XVII حالىقارالىق حورەوگرافيالىق بايقاۋ ءوتتى. بايقاۋدا روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ «گۇلدەر» ءانسامبلى ارتىستەرى «حالىق ءبيى» جانە «حورەوگراف» نوميناسيالارى بويىنشا لاۋرەات اتاندى.
بايقاۋ 25-28 ءساۋىر ارالىعىندا ريگا قالاسىندا ءوتتى. وعان اقش، لاتۆيا، ەستونيا، ليتۆا، گەرمانيا، اۋستراليا، يسپانيا، گرەكيا، گرۋزيا، جاپونيا، سلوۆەنيا جانە قازاقستان سياقتى الەمنىڭ 12 ەلىنىڭ بيشىلەرى قاتىستى.