قىلمىستىق-اتقارۋ سالاسىندا سوتتالعانداردى باسقا مەكەمەلەرگە جەتكىزۋ ق ر ۇلتتىق ۇلان بولىمشەلەرىمەن بىرگە جۇزەگە اسىرىلادى
وسىعان بايلانىستى جۋىردا الماتى قالاسى بويىنشا قاج دەپارتامەنتىندە ۇلتتىق ۇلان “وڭتۇستىك” وڭىرلىك قولباسشىلىعىنىڭ، الماتى وبلىسى بويىنشا قاجد، № 7552 اسكەري ءبولىمىنىڭ جانە لا-155/18 مەكەمەسىنىڭ باسشىلىعى قاتىسقان كەڭەس وتكىزىلدى. سونىمەن قاتار اتالعان كەڭەسكە الماتى وبلىسىنا قاراستى لا-155/8، لا-155/12، لا-155/14، لا-155/4 مەكەمەلەرىنىڭ وكىلدەرى دە شاقىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كەڭەستە سوتتالعانداردى ءبىر مەكەمەدەن ەكىنشى مەكەمەگە جەتكىزۋدەگى نەگىزگى ماسەلەلەر قارالىپ، ءوزارا پايدالى شەشىم قابىلداندى. لا-155/18 مەكەمەسى – رەسپۋبليكانىڭ ەڭ ۇلكەن تەرگەۋ يزولياتورلارىنىڭ ءبىرى، بۇدان باسقا سوتتالعاندار جازاسىن ودان ءارى وتەۋ ءۇشىن جىبەرىلەتىن ترانزيتتىك-وتكىزۋ پۋنكتى بولىپ ەسەپتەلەدى.
كۇن سايىن الماتى–ورال، الماتى–تۇركىستان، الماتى–قاراعاندى، الماتى–سەمەي، الماتى–زاششيتا باعىتتارى بويىنشا پويىزدار جولعا شىعادى. وسى جىلدىڭ 11 ايىندا لا-155/18 تەرگەۋ يزولياتورىنا 6300-دەن استام ادام كەلدى، ولاردىڭ 2000-عا جۋىعى رەسپۋبليكانىڭ باسقا وڭىرلەرىنە ترانزيتپەن جونەلتىلدى.