2025 جىلعى 1 مامىرداعى جاعداي بويىنشا جۇمىسپەن قامتۋعا جاردەمدەسۋدىڭ بەلسەندى شارالارىمەن 157،8 مىڭ ادام قامتىلدى، 143،2 مىڭ قازاقستاندىق جۇمىسقا ورنالاستىرىلدى.
سۋبسيديالاناتىن جۇمىس ورىندارىنا مانساپ ورتالىقتارى ارقىلى 106،3 مىڭ ادام جىبەرىلدى، ونىڭ ىشىندە: الەۋمەتتىك جۇمىس ورىندارىندا 9،6 مىڭ ادام، جاستار پراكتيكاسىندا 6،6 ادام، قوعامدىق جۇمىستاردا 78،3 مىڭ ادام، «كۇمىس جاس» جوباسى اياسىندا 11،1 مىڭ ادام، «العاشقى جۇمىس ورنى» جوباسى بويىنشا 680 ادام، «ۇرپاقتار كەلىسىمشارتى» جوباسى شەڭبەرىندە 33 ادام جۇمىسپەن قامتىلدى.
ەڭبەك نارىعىنداعى سۇرانىسقا يە داعدىلار بويىنشا ونلاين وقىتۋمەن 36،6 مىڭ جۇمىسسىز قامتىلدى، ونىڭ ىشىندە 34،5 مىڭى وقۋدى اياقتادى.
«باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 14،1 مىڭ ادام قامتىلدى، ونىڭ ىشىندە 7،3 مىڭ ادام وقۋدى اياقتاپ، سەرتيفيكاتتار الدى.
جۇمىس بەرۋشىلەردىڭ ءوتىنىشى بويىنشا كاسىپتىك وقىتۋعا 802 ادام جىبەرىلدى، ونىڭ ىشىندە 51 ادام وقۋدى اياقتادى.
بۇدان باسقا، قىزمەت سالاسىن تاڭداۋ ماقساتىندا كاسىپتىك ورتالىقتاردا 140،7 مىڭ ادام الەۋمەتتىك كاسىپتىك باعدارلاۋدان ءوتىپ، كەڭەس بەرۋ قىزمەتتەرىن الدى.
ازاماتتاردى جۇمىسقا ورنالاستىرۋ بىرنەشە باعىت بويىنشا جۇزەگە اسىرىلاتىنىن جانە شىن مانىندە جۇمىسقا ورنالاسقاندىعى ولار ءۇشىن مىندەتتى زەينەتاقى جارنالارىنىڭ اۋدارىلۋىمەن راستالاتىنىن اتاپ وتكەن ءجون.
ماسەلەن، 2025 جىلعى 1 مامىردا 143،2 مىڭ ادام جۇمىسقا ورنالاستىرىلدى، ونىڭ ىشىندە: حالىقتى جۇمىسپەن قامتۋعا جاردەمدەسۋدىڭ بەلسەندى شارالارى شەڭبەرىندە – 87،8 مىڭ ادام؛ ەلەكتروندىق ەڭبەك بيرجاسىندا جۇمىس بەرۋشىلەر ورنالاستىرعان بوس بوس ورىندارعا – 31،7 مىڭ ادام؛ مەملەكەت باسشىسىنىڭ «10 مىڭ تۇرعىنعا 100 جۇمىس ورنى» باستاماسى شەڭبەرىندە – 23،6 مىڭ ادام. ورتالىق مەملەكەتتىك ورگاندار ىسكە اسىراتىن جوبالار شەڭبەرىندە – 42 ادام.
سونىمەن قاتار، جاڭا بيزنەس-باستامالاردى ىسكە اسىرۋ ءۇشىن 2025 جىلى حالىقتىڭ الەۋمەتتىك وسال ساناتتارىنا جاڭا بيزنەس-باستامالاردى ىسكە اسىرۋ ءۇشىن 400 اەك (1 572 800 تەڭگە) دەيىنگى مولشەردە 9 مىڭ گرانت بەرۋ كوزدەلگەن. گرانت الۋعا ۇمىتكەرلەردەن وتىنىمدەردى قابىلداۋدىڭ ءبىرىنشى لەگى 2025 جىلعى 21 مامىر مەن 3 ماۋسىم ارالىعىندا وتەدى.