ولاردىڭ 70 پايىزعا جۋىعى وزبەكستاننان قونىس اۋدارعان.
وزگەلەرى جۇڭگو مەن تۇركىمەنستان، موڭعوليا جانە باسقا دا ەلدەردەن. قانداستارعا قولداۋ كورسەتۋ ماقساتىندا قۇرىلعان "وتانداستار" قورىنىڭ مالىمەتىنشە، سوڭعى جىلدارى اتا جۇرتىنا قايتقىسى كەلەتىن قازاقتاردىڭ سانى كۇرت ارتقان، دەپ حابارلايدى Almaty-akshamy.kz.
2021 جىلى قازاقستانعا يراننان 20 وتباسى كوشىپ كەلدى. ولاردىڭ 14ء-ى تەرىسكەيدە ورىن تەپتى. قانداستاردىڭ بارلىعى «ەڭبەك» باعدارلاماسى بويىنشا جاڭا باسپاناعا يە بولدى.
«مەن وتكەن جىلى كەلگەنمىن، 1 جىل بولادى. ەكى بالام بار. ءقازىر تىگىنمەن اينالىسىپ ءجۇرمىن. تورت جاسايمىن»، - دەيدى قانداس ءماريام قازاق.
ءماريامنىڭ اتا-اجەسى 1920 جىلدارى كەڭەس ۇكىمەتىنىڭ سولاقاي ساياساتىنان باس ساۋعالاپ يراننان ءبىر-اق شىققان. ۇرپاقتارى اراعا ءبىر عاسىر ۋاقىت سالىپ، اتاجۇرتقا ورالدى.جىراقتا جۇرسە دە، تۋعان ءتىلىن ۇمىتپاعان قازاقتىڭ قايسار قىزى اكە اماناتىن ورىندادى. ەندى مەملەكەتتىك گرانت الىپ، كاسىپ اشۋدى ارماندايدى.
«جاقسى ءومىر ءسۇرىپ كەتۋ ءۇشىن، بۇل كىسىلەرگە شامالى بولسا دا قولداۋ كەرەك. ءبىز ءوز تاراپىمىزدان اقپاراتتىق قولداۋ كورسەتسەك، اكىمشىلىك تاراپىنان جۇمىسقا تۇرعىزىپ، ءۇي بەرىپ، بارلىق الەۋمەتتىك قولداۋ شارالارىن بەرۋگە جۇمىس جاساپ جاتىر»، - دەيدى «وتانداستار» قورى اقپاراتتىق قولداۋ دەپارتامەنتىنىڭ اتقارۋشى ديرەكتورى گۇلميرا نۇربايەۆا.
«وتانداستار» قورى الىس-جاقىن شەت ەلدەردەگى قازاقتارمەن ۇنەمى بايلانىستا. مامانداردىڭ ايتۋىنشا، اتامەكەنىنە ورالعىسى كەلەتىندەر كوپ. قازاقستان تاۋەلسىزدىك العاننان بەرى 1 ملن 99 مىڭنان استام ەتنيكالىق قازاق اتامەكەنىنە قونىس اۋداردى. كوش ءالى دە جالعاسادى.