ءۇاااج ۇزىندىعى 66 شاقىرىم بولسا، ونىڭ 50 شاقىرىمىنا سوڭعى اسفالت قاباتى توسەلگەن.
ۇلكەن الماتى اينالما اۆتوموبيل جولىنىڭ (ءۇاااج) قۇرىلىسى 85 پايىزعا اياقتالدى، دەپ حابارلايدى Almaty-akshamy.kz
بۇل تۋرالى «ءۇاااج ينۆەستيسيالار جانە وپەراسيالار» كومپانياسىنىڭ رەسمي ساۋالعا بەرگەن جاۋابىندا كورسەتىلگەن.
بۇگىندە اسفالتبەتون قاباتتارىن توسەۋ جۇمىستارى مىناداي رەتپەن ورىندالدى:
كەۋەكتى اسفالتبەتون قاباتى - 64،27 شاقىرىم؛
تىعىز اسفالتبەتون قاباتى - 64،19 شاقىرىم؛
موديفيكاسيالانعان پوليمەرلى بيتۋممەن قيىرشىقتاس-ماستيكا اسفالت قاباتى - 50،26 شاقىرىم.
ەكى جاقتى قوزعالىستىڭ بارلىق ەنى بويىنشا جۇمىس اياقتالعانى اتاپ ءوتىلدى. ول تاسجولدىڭ بۇكىل ۇزىندىعى بويىنشا اياقتالعان.
«ەرەكشەلىك - تەك 45-تەن 47-شاقىرىمعا دەيىنگى ۋچاسكە. سونداي-اق، ءۇش جولايرىقتىڭ شىعابەرىسىنە ءالى اسفالت توسەلمەگەن:
ءۇاااج الماتى - بىشكەك تاسجولى قيىلىسىندا؛
ءۇاااج الماتى - شامالعان تاسجولى قيىلىسىندا؛
ءۇاااج كومسومول - جاپەك باتىر تاسجولى قيىلىسىندا.
ءۇاااج سالىناتىن 40 جولايىرىق پەن كوپىرگە كەلەتىن بولساق، ولاردىڭ ءبارى دەرلىك سالىندى.
«39 ۋچاسكەدە قۇرىلىس-مونتاج جۇمىستارى اياقتالدى. ونىڭ ىشىندە 36 ۋچاسكەدە اسفالتبەتون جابىنىن توسەۋ بويىنشا جۇمىستار ورىندالدى. جەتى جولايرىقتىڭ بارىندە جول وتپەلەرىن (جولايرىقتان تۇسكەن جەردەگى تاسجولمەن قوسىندى) سالۋ جۇمىستارى اياقتالدى. ءۇش جولايرىقتا وتپەلەر سالۋ جۇمىستارى جۇرگىزىلىپ جاتىر. قالعان ءتورت وتپەنىڭ قۇرىلىسى اياقتالدى، وندا اباتتاندىرۋ جۇمىستارى جۇرگىزىلىپ جاتىر. جولايىرىقتار بويىنشا جۇمىستاردى ورىنداۋ - 90 پايىز. جالپى، ءۇاااج جوباسىنىڭ ءوزى بۇگىندە 85 پايىزعا دايىن»، - دەدى كومپانيا وكىلدەرى.