بۇل تۋرالى تەرروريزمگە قارسى قۇرىلىمدىق شتاب ورتالىعىنىڭ جەتەكشىسى جاناربەك جانابايەۆ Kazakhstan Security System اياسىندا وتكەن رەسپۋبليكالىق كونفەرەنسيا بارىسىندا ايتتى، دەپ حابارلايدى almaty-akshamy.kz
سيرياداعى دايش قۇرامىنداعى قازاقستاندىق ازاماتتاردى ەلگە قايتارۋ بويىنشا «جۋسان» الەۋمەتتىك وپەراسياسى جۇزەگە اسىرىلدى. وپەراسيا الدىندا دايىندىق جۇمىستارى جۇرگىزىلدى. ارنايى توپ سيرياعا بارىپ، وڭالتۋ باعدارلاماسى ازىرلەندى. جالپى 607 قازاقستاندىق ازامات ەلگە قايتارىلدى. ونىڭ ىشىندە 157 ايەل مەن 37 ەر ادام، 413 كامەلەتكە تولماعان، 34 جەتىم بالا بار،- دەدى جانابايەۆ.
ول اتاپ وتكەندەي، 59 ادام قىلمىستىق جاۋاپكەرشىلىككە تارتىلدى.
وسىلايشا، تەرروريزم ءۇشىن جازادان جالتارماۋ ۇستانىمى جۇزەگە اسىرىلدى. بەيىمدەلۋ مەن وڭالتۋدىڭ كەشەندى شارالارى 88 ايەلدى ءداستۇرلى يسلامعا ورالۋعا نەمەسە قالىپتى ومىرگە بەيىمدەۋگە مۇمكىندىك بەردى. 77 ايەل راديكالدى يدەولوگيادان باس تارتتى. ءقازىر ءبىزدىڭ تاجىريبەنى ءبىرقاتار ەل ءوز ازاماتتارىن ەلگە قايتارۋ بويىنشا قولدانۋعا قىزىعۋشىلىق تانىتىپ وتىر، - دەدى جانابايەۆ.