جۋرناليستەرگە شابۋىل جاساۋعا شەتەلدىك ازاماتتار كومەكتەسكەنى انىقتالدى

ءىىم جانە ۇقك ۆەدومستۆوارالىق جەدەل تەرگەۋ توبى ب ا ق وكىلدەرىنە شابۋىلدار ۇيىمداستىرۋ دەرەگى بويىنشا قىلمىستىق ءىستى تەرگەۋدى جالعاستىرۋدا.

 ۇستالعان و.توكاريەۆ ءوزىنىڭ كىناسىن مويىندادى جانە تەرگەۋگە كومەكتەسۋگە كەلىستى. وعان باسقا شەتەل ازاماتتارى – ك.ءليتۆينوۆتىڭ، س.شاپوۆالوۆتىڭ، ب.دەمچەنكو مەن يا.مالىشوكتىڭ بەلسەندى كومەك كورسەتكەنى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاسىپ. 

توكاريەۆتىڭ ءوزى ۇيىمداستىرۋشى جانە ۇيلەستىرۋشى رەتىندە، ال توپتىڭ باسقا قاتىسۋشىلارى – ليتۆينوۆ، شاپوۆالوۆ جانە دەمچەنكو رەكرۋتەرلەر ءرولىن اتقارىپ، قازاقستان ازاماتتارى اراسىنان ارانداتۋدى تىكەلەي ىسكە اسىرۋشىلاردى،  ياعني “قاباندار” دەپ اتالاتىن ورىنداۋشىلاردى ىزدەۋمەن جانە قىلمىستىق ارەكەتكە تارتۋمەن اينالىسقان.

سونداي-اق ولار اشىق اقپاراتتىق دەرەككوزدەردەن جابىرلەنۋشىلەرگە قاتىستى مالىمەتتەردى  جيناعان. مەملەكەتتىك اقپاراتتىق دەرەكتەرگە رۇقساتى بار تۇلعالاردى ىزدەستىرگەن. توكاريەۆپەن بىرگە ارانداتۋلاردى ىسكە اسىرۋ جولدارىن (كولىكتەردى ورتەۋ، ءقاۋىپ ءتوندىرۋ جانە شابۋىلداۋ) ازىرلەگەن.

مالىشوك حاكەرلىك باعىتقا جاۋاپتى بولىپ (فلۋد، DDos، بۇزۋ جانە ت.ب.)، “Orda” جانە “Elmedia” سايتتارىنا DDos-شابۋىلدارىن ءوزى ۇيىمداستىرعان. “Ulysmedia” رەداكسياسىنىڭ سايتىن بۇزعان. قازىرگى تاڭدا باس پروكۋراتۋرامەن بىرگە توكاريەۆتىڭ سىبايلاستارىن حالىقارالىق ىزدەۋگە جاريالاۋ ماسەلەسى پىسىقتالۋدا. باستاماشىلاردى انىقتاۋ بويىنشا جۇمىستار جالعاسۋدا، ناتيجەلەرى قوسىمشا حابارلاناتىن بولادى.