اقپارات جانە قوعامدىق دامۋ ءمينيسترى بارلىق باق-تى زاڭدى تالقىلاۋعا شاقىردى.
ءمينيستردىڭ ايتۋىنشا، زاڭعا ەنگىزىلەتىن وزگەرىستەر كەڭىنەن تالقىلانادى، دەپ حابارلايدى Almaty-akshamy.kz
«مەملەكەت باسشىسى اتاپ وتكەندەي، اشىق اقپارات كەڭىستىگى مەن باسەكەگە قابىلەتتى وتاندىق بۇقارالىق اقپارات قۇرالدارىن قۇرۋعا ەرەكشە نازار اۋدارۋ قاجەت. بۇگىندە مينيسترلىكتىڭ الدىندا اقپارات قۇرالدارىنىڭ ءرولىن، مارتەبەسىن جانە جاۋاپكەرشىلىگىن نىعايتۋ بويىنشا ءبىرقاتار مىندەت تۇر. وسىعان بايلانىستى، بىرىنشىدەن، قوعام سۇرانىستارى مەن مەملەكەتتىڭ مۇددەلەرىن ەسكەرە وتىرىپ، بۇقارالىق اقپارات قۇرالدارى تۋرالى زاڭ قايتا قارالاتىن بولادى»، - دەدى اسقار وماروۆ ۇكىمەتتىڭ بۇگىنگى وتىرىسىندا.
ءمينيستردىڭ ايتۋىنشا، زاڭعا ەنگىزىلەتىن وزگەرىستەر كەڭىنەن تالقىلانادى. جۋرناليستەردىڭ پىكىرى ەسكەرىلەدى. ال زاڭدى وزگەرتكەننەن كەيىن ناقتى ناتيجەلەر بولۋى كەرەك.
«ازاماتتىق باقىلاۋدى جۇزەگە اسىراتىن ءتورتىنشى بيلىك رەتىندە ارەكەت ەتەتىن بۇقارالىق اقپارات قۇرالدارى ءۇشىن اشىق باسەكەلەستىك ورتا داميتىن بولادى. مەملەكەتتىك اقپاراتتىق جۇمىس بويىنشا جاڭا تاسىلدەر ازىرلەنەدى»، - دەپ اتاپ كورسەتتى وماروۆ.