زاڭ جوباسىنىڭ ءماتىنى ۇكىمەتتىك ەمەس ۇيىمدارمەن، ساراپشىلارمەن كەڭەسىپ جازىلادى.
ق ر اقپارات جانە قوعامدىق دامۋ ءمينيسترى ايدا بالايەۆا جۋرناليستەردىڭ مارتەبەسى تۋرالى زاڭ جوباسى قاشان تالقىلاۋعا شىعارىلاتىنىن ايتتى، دەپ حابارلايدى Almaty-akshamy.kz
«جۋرناليستەردىڭ قۇقىعى مەن الەۋمەتتىك مارتەبەسى تۋرالى زاڭ جوباسىن ازىرلەۋ ماسەلەسى قاراستىرىلىپ جاتىر. نۇرتورە ءجۇسىپ مىرزا جۋرناليستەرگە ءۇي الۋ نەمەسە باسقا جاعدايلاردا جەڭىلدىك جاساۋ تۋرالى ايتىپ وتىر عوي. بۇل جۇمىس بارلىق مەملەكەتتىك مەكەمەمەن كەلىسە وتىرىپ ىسكە اساتىن دۇنيە ەكەنى بەلگىلى. ول كىسى مينيسترلىكپەن قويان-قولتىق جۇمىس ىستەپ وتىر. ال زاڭ جوباسىنىڭ ءماتىنىن ۇكىمەتتىك ەمەس ۇيىمدارمەن، ساراپشىلارمەن كەڭەسىپ جازامىز. قۇجات جوباسىن كەلەر جىلدىڭ العاشقى جارتىجىلدىعىندا اشىق تالقىلاۋعا شىعارامىز دەپ ويلاپ وتىرمىز»، – دەدى مينيستر.