جۋرناليستەردىڭ بەيبىت جيىنداردا جۇمىس ىستەۋ ءتارتىبىنىڭ جوباسى جاريالاندى

جۋرناليستەردىڭ بەيبىت جيىنداردا جۇمىس ىستەۋ ءتارتىبىنىڭ جوباسى جاريالاندى سۋرەت: nasha-molodezh.ru

جوبانى مادەنيەت جانە اقپارات مينيسترلىگى جاريالادى، دەپ حابارلايدى aqshamnews.kz.

— بەيبىت جينالىستاردا بۇقارالىق اقپارات قۇرالى ءۇشىن حابارلامالار مەن ماتەريالدار جيناۋ، ولاردى وڭدەۋ جانە دايىنداۋ كەزىندە ءجۋرناليستىڭ وزىمەن بىرگە جۋرناليست كۋالىگى بولادى، - دەپ جازىلعان قۇجاتتا.

سونداي-اق بەيبىت جيىننان حابار تاراتاتىن جۋرناليستەردىڭ ارنايى ايىرىم بەلگىلەرىن تاعىپ ءجۇرۋى كەرەكتىگى ايتىلعان. ول بەلگىلەر:

— الدىڭعى جانە ارتقى جاعىندا «PRESS» دەگەن جازۋى بار اشىق كوك ءتۇستى كەۋدەشە؛ 

— قانىق سارى ءتۇستى، ورتاسىندا «PRESS» دەگەن جازۋى بار جەڭدەگى تاڭعىش؛

— ورتاسىندا «PRESS» دەگەن جازۋى بار كوك ءتۇستى جاپسىرما.

بەيبىت جيىن ءوتىپ جاتقان ەلدى مەكەننىڭ اكىمدىگى جۋرناليست جىبەرەتىن سۇراۋ نەگىزىندە جۋرناليستەردى جەدەل باسپا ءسوز ورتالىعىن ۇيىمداستىرادى. بۇقارالىق اقپارات قۇرالى بەيبىت جينالىس وتكىزىلەتىن كۇننەن ءبىر كۇن بۇرىن جۋرناليستەردىڭ سانىن كورسەتە وتىرىپ، ەركىن نىساندا سۇراۋ جىبەرەدى.

جەدەل باسپا ءسوز ورتالىعى لەنتامەن قورشالىپ، ەلەكترمەن جابدىقتالىپ، فوتو، بەينەتۇسىرىلىم جاساۋعا، سۇحبات الۋعا جەتكىلىكتى جەردەن بەلگىلەنۋى كەرەك.

دەگەنمەن، جۋرناليستەر ارنايى لەنتامەن قورشالعان جەدەل باسپا ءسوز ورتالىعىنىڭ سىرتىندا دا جۇمىس ىستەي الاتىنى ايتىلعان.

جەرگىلىكتى اكىمدىكتەر جۋرناليستەردى جەدەل باسپا ءسوز ورتالىعىنا الىپ بارۋعا، ۇيىمداستىرۋشىلارمەن جانە قاتىسۋشىلارمەن سۇحبات ۇيىمداستىرۋعا، قاۋىپسىزدىك شارالارىن تۇسىندىرۋگە مىندەتتەلەدى.

 

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

16:33

16:28

13:27

12:23

12:17

12:15

12:13

12:05

12:03

12:01

11:59

11:57

11:55

11:53

11:51

11:46

11:43

11:41

11:39

11:37

11:34

11:31

11:29

11:26

11:24