وتكەن 2024 جىلمەن قوشتاسىپ، جاڭا 2025 جىلدى قارسى الاتىن كۇن كەلىپ جەتتى. دەگەنمەن، مەرەكە الدىنداعى كەزەڭ قاربالاسقا تولى. جاقىندارىڭا سىيلىقتار ساتىپ الۋ، ءۇيدى بەزەندىرۋ جانە مەرەكەلىك داستارحان جاساۋ – ماڭىزدى شارتتاردىڭ ءبىرى. اسپازدىقپەن مامانداناتىن بلوگەر دميتريي كۋسەل Taspanews.kz رەداكسياسىنىڭ وقىرماندارىنا ءداستۇرلى تاعامدارعا جاڭاشىلدىق قوسا، اس ءمازىرىن قالاي ادەتتەن تىس ەتىپ دايىنداۋعا بولاتىنى تۋرالى كەڭەس بەردى.
ماماننىڭ ايتۋىنشا، ادەتتەگى جاڭا جىلدىق ءداستۇرلى تاعامداردى تۇرلەندىرۋدىڭ ەڭ وڭاي جولى – قولدانىستاعى تاعامدارعا جاڭاشىلدىق قوسۋ.
«ماسەلەن، مەن الدىڭعى جىلى تون استىنداعى مايشاباق سالاتىن جاساعاندا مايشاباقتىڭ ورنىنا سكۋمبريا قوستىم. كەرەمەت شىقتى، مەنىڭ ويىمشا، مايشاباقتان اسىپ ءتۇستى. سونىمەن قاتار، ونى قولمەن كەسكەننەن گورى مايدا ۇككىشتەن وتكىزگەن ءجون، سوندا سالات جۇمساق بولادى»،
فۋد-بلوگەر جاڭا جىلدىق داستارحاننىڭ تاپتىرماس بولىگى – وليۆە سالاتىن دا جاڭارتۋعا بولادى دەپ سانايدى.
«كونسەرۆىلەنگەن بۇرشاق ورنىنا مۇزداتىلعان بۇرشاقتى، شۇجىقتىڭ ورنىنا جىلقى ەتىن قوسۋعا بولادى. ەسكى قوسپالارلى جاڭاسىمەن اۋىستىرىڭىز. الايدا، ارينە، باسقا دا تاسىلدەردى قاراستىرا، تالعامىڭىز بەن قالاۋىڭىزبەن سايكەستەندىرسەڭىز – ءوز ەركىڭىز»،
مەرەكەگە دايىندىق كەزىندە ءوزىڭىزدى كۇتىپ، ۋاقىتىڭىزدى ساقتاۋ ماڭىزدى. فۋد-بلوگەر مۇنى ىستەۋدىڭ ەڭ وڭاي جولى – كافەدەن نەمەسە مەيرامحانادان دايىن تاعامدارعا تاپسىرىس بەرۋ دەپ سانايدى. ونىڭ ايتۋىنشا، قازىرگى تاڭدا مۇنداي قىزمەت تۇرلەرى اسا قولجەتىمدى، تەك ءوز قالتاڭىزعا قاراي تاپسىرىس جاسايتىن جەردى تاڭداساڭىز بولعانى.
«ايەلدەرىمىزدى ساقتايىق. ءۇي شارۋاسىنداعى ايەلدەرىمىز، انالارىمىز، اپكەلەرىمىز بەن اجەلەرىمىز، قىزدارىمىز دەمالسىن. ولاردىڭ جۇيكەسى مەن دەنساۋلىعى ءبىرقالىپتى بولعانعا نە جەتسىن. جىلىنا ءبىر رەت ءوزىڭىز وسىلاي جاساۋعا بەيىمدەلىپ، عالامتوردان قالاعان مەيرامحانانىڭ جەتكىزۋ قىزمەتىن تاڭداساڭىز بولعانى»،
دميتريي كۋسەل بايىرعى ادەتتەردى جويۋ قاجەتتىلىگىن دە اتاپ ءوتتى:
«شىرشا جانىندا وتىرعاننان بولەك، جاڭا جىل كەشىنەن كەيىن وتباسىڭىزبەن بىرگە تاۋعا، شەت ەلگە، كولساي كولدەرىندە بارىپ، تويلاساڭىزدار دا كەرەمەت. مۇنىڭ ءبارى ءوز قيالىڭىزعا بايلانىستى»،