جىل سايىن الماتىنىڭ وڭىرلىك كوممۋنيكاسيالار قىزمەتى قالالىق اكىمدىكتىڭ قوعامدىق دامۋ باسقارماسىنىڭ قاتىسۋىمەن بۇقارالىق اقپارات قۇرالدارىنىڭ وكىلدەرى اراسىندا بايقاۋ وتكىزەدى. بيىل بىردەن 8 اتالىم جاريالاندى، بارلىعى 15 جەڭىمپاز انىقتالدى.
ماراپاتتاۋ ءراسىمى رەسپۋبليكالىق دوستىق ۇيىندە ءوتتى. جۋرناليستەر الدىندا قوعامدىق دامۋ باسقارماسى باسشىسىنىڭ مىندەتىن اتقارۋشى ايدار ەسەنبەكوۆ قۇتتىقتاۋ ءسوز سويلەدى. ول جۋرناليستەردىڭ مەگاپوليستىڭ الەۋمەتتىك جانە قوعامدىق-ساياسي ومىرىندەگى ماڭىزدى وقيعالاردى جاريالاۋدا قوسىپ جۇرگەن ەلەۋلى ۇلەستەرىن اتاپ ءوتتى.
«الماتىنىڭ ب ا ق سالاسىندا ءاردايىم شىعارماشىل، تالانتتى، ماسەلەگە بەي-جاي قارامايتىن، قوعام الدىنداعى جاۋاپكەرشىلىگىن تۇسىنەتىن، قالا ءۇشىن الاڭدايتىن ادامدار جۇمىس ىستەپ كەلەدى»، - دەپ اتاپ ءوتتى ول.
ب ا ق وكىلدەرىن بەلسەندى قاتىسقانى جانە كاسىبيلىگى ءۇشىن پروفەسسور، اكادەميك جانە ق ر جۋرناليستيكا اكادەمياسىنىڭ پرەزيدەنتى ساعىمباي قوزىبايەۆ قۇتتىقتاپ، العىسىن ءبىلدىردى. ول جەڭىمپازداردى انىقتاعان قازىلار القاسىنىڭ كوميسسياسىن باسقاردى. جۋرناليستيكا اقساقالى قازىرگى جۋرناليستەر وقىرماندار مەن كورەرمەندەرگە تاۋەلسىز پىكىرلەر مەن باعالاۋلاردىڭ كەڭ پاليتراسىن ۇسىناتىنىن اتاپ ءوتتى.
قازىلار القاسى مەگاپوليستىڭ دامۋ تاقىرىبىندا جارىق كورگەن ۇزدىك جۇمىستاردى انىقتادى. كونكۋرسقا ب ا ق وكىلدەرىنەن بارلىعى 65-تەن استام ءوتىنىم ءتۇستى. بايقاۋ جەڭىمپازدارى ءار سانات بويىنشا باعالى سىيلىقتارمەن جانە گراموتالارمەن ماراپاتتالدى.
الماتى قالاسىنىڭ الەۋمەتتىك-ەكونوميكالىق دامۋى تۋرالى سيۋجەتتەر سيكلىندە «المالى قالا» دەپ اتالاتىن نەگىزگى اتالىم بويىنشا «قازاقستان» تەلەارناسىنىڭ ءتىلشىسى نۇرسۇلتان تىلەكتەسوۆ پەن «ەۋرازيا» ءبىرىنشى ارناسىنىڭ ءتىلشىسى ايگۇل مۇحامبەتوۆا جەڭىسكە جەتتى.
الماتى قالاسىنىڭ ەڭبەك ادامدارى تۋرالى باسپا باسىلىمىنداعى ۇزدىك ماتەريالدارى ءۇشىن «جۇمىس كۇندەرى دە، مەرەكە كۇندەرى دە» اتالىمىندا «Almaty aqshamy» گازەتىنەن نۇرجامال الىشيەۆا مەن «كۋرسيۆ» گازەتىنىڭ ءتىلشىسى ناتاليا كاچالوۆا ماراپاتتالدى.
«رازۆوروت» اتالىمىندا (قالا ءومىرى تۋرالى ۇلكەن تالدامالىق ماتەريال) Inbusiness.kz.پورتال اتىنان قۇرالاي قۇدايبەرگەننىڭ الدىنا ەشكىم تۇسە المادى.
مەملەكەتتىك جانە ورىس تىلدەرىندەگى قوسىمشا اتالىمدار بويىنشا جەڭىمپازداردىڭ ءتىزىمى كەلەسىدەي:
1) «جەمقورلىق - ىندەت، ونىمەن كۇرەسۋ - مىندەت» - سىبايلاس جەمقورلىققا قارسى تاقىرىپتا باق-تاعى ۇزدىك جاريالانىم - Zakon.kz باسقارۋشى ديرەكتورى قايرات شايحييەۆ جانە Orda.kz پورتالىنىڭ ءجۋرناليسى الەكساندر سمولين.
2) «سيفرلى الماتى» - حابار 24 ءجۋرناليسى قارلىعاش قايىپبەكوۆا جانە Sputnik كازاحستان اقپارات اگەنتتىگىنەن الەكساندر ميروگلوۆ.
3) «نىساناعا ءدوپ تيگەن» («پريامو ۆ يابلوچكو») - باق-تاعى پروبلەمالىق سۇراقتار مەن ولاردى شەشۋ جولدارى تۋرالى جاريالانىمدار - جۋرناليست بايگە نيۋس البەرت احمەتوۆ، ينتەرنەت-پورتالا NUR.KZ ينتەرنەت-پورتالىنىڭ ءجۋرناليسى يۋليا ابراموۆا جانە Orda.kz جانار كۋسانوۆا.
4) «وبەكتيۆتەگى قالا» - الماتى قالاسى تۋرالى ۇزدىك فوتو جۇمىس - جەڭىمپاز Tengrinews.kz پورتالىنان ءاليحان سارييەۆ.
5) «تەلەگرامدا» - الماتىنىڭ الەۋمەتتىك-ەكونوميكالىق دامۋى تۋرالى تەلەگرام-كانالداعى ۇزدىك جاريالانىم - يليا رولدۋگين، Orda.kz.
سونداي-اق قالا اكىمىنىڭ «العىس حاتىمەن» اكچۋرين يلزات شۋحرەتوۆيچ، «الماتى» تەلەارناسى، سامات مەدەت سامات ۇلى، «الماتى» تەلەارناسىنىڭ وپەراتورى، مىرزاگالييەۆا اكەركە بولاتوۆنا، «ۆەچەرنيي الماتى» گازەتى، سۋلەيمەنوۆا نەليا پاترەتينوۆنا، «ۆەچەرنيي الماتى» سايتى، ءجۇمادىلوۆا قۇرالاي يمانبەك قىزى، «الماتى اقشامى» گازەتى، كونۋسپايەۆ كايرات مۋكاشيەۆيچ، «ۆەچەرنيي الماتى» گازەتىنىڭ ءفوتوتىلشىسى ماراپاتتالدى.
رەسمي سالتاناتتى بولىمنەن كەيىن ءىس - شارانىڭ قوناقتارى-جۋرناليستەر مەن ۇيىمداستىرۋشىلار بەيرەسمي جانە دوستىق قارىم-قاتىناستا سويلەسۋگە، بىر-بىرىمەن تانىسۋعا جانە پىكىرلەرىمەن بولىسۋگە مۇمكىندىك الدى.