مادەنيەتارالىق جانە ەتنوسارالىق بىرلىكتى نىعايتۋ بويىنشا ادەبيەت جانە جۋرناليستيكا سالاسىنداعى ۇزدىك جۇمىستاردى انىقتاۋ ءۇشىن سىيلىققا وتىنىمدەردى قابىلداۋ باستالدى، حابارلايدى Almaty-akshamy.kz.
«سىيلىقتىڭ ماقساتى – جازۋشىلار مەن جۋرناليستەردىڭ قوعام مەن مەملەكەت الدىنداعى سىڭىرگەن ەڭبەگىن، مادەنيەتارالىق جانە ەتنوسارالىق بىرلىكتى نىعايتۋعا قوسقان ەرەكشە قۇندى ۇلەسىن تانۋ.
سىيلىققا اۆتور (اۆتورلار) نەمەسە اۆتورلار ۇجىمى، شىعارماشىلىق ۇجىمدار قاتىسا الادى.
وتىنىمدەردى قابىلداۋ 2023 جىلعى 1 قىركۇيەكتەن باستاپ 30 قىركۇيەككە دەيىن جۇزەگە اسىرىلادى»، - دەپ جازدى مادەنيەت جانە سپورت مينيسترلىگى.
قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى تومەندەگى نوميناسيالار بويىنشا:
- «ينتەرنەت جوبا»؛
- «تەلەارنالارداعى جوبا»؛
- «باسپا باق-تاعى ماقالا»؛
- «راديو جوبا».
قازاقستان رەسپۋبليكاسىنىڭ مادەنيەت جانە سپورت مينيسترلىگى تومەندەگى نوميناسيالار بويىنشا قۇجاتتاردى قابىلدايدى:
- «پروزا»؛
- «پوەزيا»؛
- «دراماتۋرگيا»؛
- «بالالار ادەبيەتى».
جۇمىستاردى ادەبيەت جانە جۋرناليستيكا سالاسىنىڭ ەڭبەك سىڭىرگەن قايراتكەرلەرى مەن ساراپشىلارىنان تۇراتىن قازىلار القاسى باعالايتىن بولادى.
سىيلىق قورىتىندىسى بويىنشا ءار نوميناسيانىڭ ۇزدىك وكىلىنە «مادەنيەتارالىق جانە ەتنوسارالىق بىرلىكتى نىعايتۋ بويىنشا ادەبيەت جانە جۋرناليستيكا سالاسىنداعى ۇزدىك جۇمىس سىيلىعىنىڭ لاۋرەاتى» اتاعى بەرىلىپ، ديپلوم جانە اقشالاي سىياقى تابىس ەتىلەدى.