وڭىرلىك كوممۋنيكاسيالار قىزمەتىنىڭ بريفينگىندە الماتى قالاسىنىڭ ەڭبەك ۇتقىرلىعى ورتالىعىنىڭ ديرەكتورى ساعىندىق كەنجەبايەۆ مەگاپوليستە كاسىپكەرلىكتى دامىتۋ جانە قولداۋ شارالارى تۋرالى ايتىپ بەردى.
سپيكەردىڭ مالىمەتىنشە، بۇگىندە مەملەكەتتىك گرانتتاردى 188 ۇمىتكەر يەلەندى. 11 قىركۇيەكتەن باستاپ اعىمداعى جىلدىڭ سوڭعى 3ء-شى اعىنىنا وتىنىمدەردى قابىلداۋ باستالادى، دەپ حابارلايدى Almaty-akshamy.kz.
بارلىعى 375 ادام گرانت الادى دەپ بولجانۋدا. وتكەن جىلدارداعى كورسەتكىشتەر كەلەسىدەي: 2022 ج. - 1570، 2021 ج. - 1298 ادام.
«جاپپاي كاسىپكەرلىكتى دامىتۋ اياسىندا ايلىق ەسەپتىك كورسەتكىشتىڭ 400 ەسەلەنگەن مولشەرىنە دەيىن (1 380 000 تەڭگە) مەملەكەتتىك گرانتتار بەرۋ كوزدەلگەن - بۇل جاڭا بيزنەستى باستاۋ جانە دامىتۋ ءۇشىن قايتارىمسىز نەگىزدە بەرىلەتىن باستاپقى كاپيتال. گرانت قاراجاتى ءىسىن جاڭا باستاعان كاسىپكەرلەرگە، سونداي-اق جەكەلەگەن الەۋمەتتىك ساناتتارعا جاتاتىن ادامدارعا (ااك جانە كوپ بالالى بولۋ بويىنشا جاردەماقى الۋشىلار، اسىراۋشىسىنان ايىرىلۋ جاعدايى بويىنشا، قانداستار، مۇگەدەك بالانى تاربيەلەپ وتىرعان مۇگەدەك ادامدار) وزدەرىنىڭ بيزنەس-الەۋەتىن ىسكە اسىرۋعا، ءوندىرىستى جولعا قويۋعا جانە دامىتۋعا، سول ارقىلى وزدەرىن تۇراقتى تابىسپەن قامتاماسىز ەتۋگە مۇمكىندىك بەرەدى»، - دەپ حابارلادى س. كەنجەبايەۆ.
سونىمەن قاتار، جىل باسىنان بەرى 21-35 جاس ارالىعىنداعى جاستارعا شاعىن نەسيە بەرۋ باعدارلاماسى ىسكە قوسىلدى. قارىز جىلدىق 2،5% - بەن 5 جىلعا دەيىنگى مەرزىمگە 5 ملن تەڭگەگە دەيىنگى سوماعا بەرىلەدى.
بۇل رەتتە كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى. كەپىل رەتىندە رەسپۋبليكانىڭ بۇكىل اۋماعى بويىنشا جىلجىمالى (مامانداندىرىلعان تەحنيكا) جانە جىلجىمايتىن مۇلىك قابىلدانادى. كەپىلمەن قامتاماسىز ەتۋ بولماعان جاعدايدا كەپىل بەرۋشىنى (اتا-انالارىن، تۋىستارىن جانە ت.ب.) تارتۋعا بولادى.
وسىلايشا، بۇگىندە 79 جوبا ماقۇلداندى، ونىڭ 44ء-ى قارجىلاندىرىلدى. وتىنىمدەردى قابىلداۋدى «اگرارلىق كرەديتتىك كورپوراسيا» اكسيونەرلىك قوعامىنىڭ ساتبايەۆ كوشەسى، 5 مەكەنجايى بويىنشا ورنالاسقان قالالىق فيليالى جۇزەگە اسىرادى.