رەسەي فەدەراسياسىنىڭ مەملەكەتتىك دۋماسىنىڭ دەپۋتاتى ءارى مەمدۋماداعى سپورت كوميتەتى جەتەكشىسىنىڭ ورىنباسارى ءامىر حاميتوۆ رف دەنساۋلىق ساقتاۋ ءمينيسترى ميحايل مۋراشكوعا شىلىمقورلارعا ءجۇرىپ بارا جاتىپ تەمەكى تارتۋعا تىيىم سالۋ تۋرالى ۇسىنىس ءبىلدىردى.
بۇل جايىندا islam.kz پورتالى IslamNews اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.
دەپۋتتاتتىڭ پىكىرىنشە، ءجۇرىپ بارا جاتىپ شىلىم شەگۋ تەمەكى ءتۇتىنىنىڭ زيانىن كۇشەيتەدى. ءجۇرىپ بارا جاتقان ادامنىڭ تىنىس الۋى جيىلەيدى. وسىعان بايلانىستى شىلىمنىڭ زيانى كوبىرەك تيەدى. ەكىنشىدەن، ءجۇرىپ بارا جاتىپ شىلىم شەككەن ادامنىڭ تەمەكى ءتۇتىنىن جانىنداعى جۇرگىنشىلەر دە جۇتادى. ۇشىنشىدەن، بۇل تىيىم قابىلدانسا، قالا كوشەلەرىنىڭ تەمەكى تۇقىلىنىڭ قوقىسىنان تازا بولۋعا ىقپال ەتەدى. دەنساۋلىق ساقتاۋ مينيسترلىگى اتالمىش ۇسسىنىستى قاراستىراتىن بولادى ءارى ءتيىستى شارالار قابىلدايدى، دالىرەگى، «ازاماتتاردىڭ دەنساۋلىعىن تەمەكى ءتۇتىنىنىڭ اسەرىنەن قورعاۋ تۋرالى» زاڭناماعا ءتيىستى تولىقتىرۋلار ەنگىزىلۋى مۇمكىن.