مۇگەدەكتىگى بار ادامداردى جۇمىسقا ورنالاستىرۋ، تاسىمالداۋ، كەدەرگىسىز ورتا: الماتىدا ينكليۋزيا سالاسىندا نە جاسالادى؟
2025-2027 جىلدارعا ارنالعان بيۋدجەتتىڭ ءتيىستى جوباسىن الماتى ءماسليحاتىنىڭ الداعى سەسسياسىندا قاراۋ جوسپارلانۋدا، دەپ حابارلايدى aqshamnews.kz.
بۇل تۋرالى قالالىق ءماسليحاتتىڭ باسپا ءسوز قىزمەتى حابارلادى.
نەگىزگى باعىتتاردىڭ ءبىرى قالا تۇرعىندارىن الەۋمەتتىك قولداۋ بولىپ قالا بەرەدى. وسىلايشا، جاڭا بيۋدجەت قاراجاتىنىڭ ءبىر بولىگى الەۋمەتتىك باعدارلامالاردى ىسكە اسىرۋعا جانە ينكليۋزيۆتى قالالىق ورتانى قۇرۋعا باعىتتالاتىن بولادى.
الماتىدا «ينۆاتاكسي» قىزمەتىنە ۇلكەن سۇرانىسقا بايلانىستى اۆتوكولىكتەردىڭ سانى 130-عا دەيىن ۇلعايتىلادى، بۇل 2،7 مىڭنان استام مۇگەدەك ادامدى كولىك قىزمەتتەرىمەن قامتۋعا مۇمكىندىك بەرەدى. اي سايىن «ينۆاتاكسي» ارقىلى 30 مىڭنان استام قىزمەت كورسەتىلەدى.
بۇدان باسقا، الماتى اكىمى ەربولات دوسايەۆتىڭ تاپسىرماسى بويىنشا 2025 جىلعى 1 ساۋىرگە دەيىن «ينۆەستيسيا ورنىنا تاريف» باعدارلاماسى شەڭبەرىندە ازاماتتاردىڭ سەگىز ساناتى ءۇشىن وتەماقى تولەۋ جالعاسادى، بۇل كوممۋنالدىق قىزمەتتەر تاريفتەرىنىڭ ءوسۋىن وتەۋگە مۇمكىندىك بەرەدى.
الماتىدا 2025 جىلدان باستاپ جۇمىسقا ورنالاستىرۋدىڭ بارلىق كەزەڭدەرىندە - بوس ورىن ىزدەۋدەن باستاپ جۇمىس ورنىندا بەيىمدەلۋگە دەيىن مۇگەدەك ادامداردى قولداۋعا باعىتتالعان جاڭا Jobcoach جوباسى ىسكە قوسىلۋدا. جوبا بەرليندەگى تابىستى جۇمىس تاجىريبەسىنە نەگىزدەلگەن جانە قىزمەتكەرلەر مەن جۇمىس بەرۋشىلەرگە كومەكتەسەتىن ارنايى وقىتىلعان تالىمگەرلەردىڭ جۇمىسىن قامتيدى. 2025 جىلى 300 ادامعا دەيىن جۇمىسپەن قامتۋ جوسپارلانۋدا.
كەدەرگىسىز ورتا قۇرۋ ماڭىزدى باعىت بولىپ قالا بەرەدى. 2025 جىلى تۇرعىن ۇيلەردى، قوعامدىق كەڭىستىكتەردى، تروتۋارلار مەن ايالداما كەشەندەرىن قوسا العاندا 32،5 مىڭ نىساندى پاسپورتتاۋ جانە قالانىڭ 1،5 مىڭ ينفراقۇرىلىم نىساندارىن بەيىمدەۋ جوسپارلانۋدا.