ەلىمىزدىڭ جۇرگىزۋشىلەرى مەن تاكسوپاركتەرى بيىل ياندەكس تاپسىرىسىنان 400 ملرد تەڭگەدەن استام پايدا تاپتى.
انىعىندا، قاڭتار-قاراشادا جۇرگىزۋشى-سەرىكتەستەر مەن تاكسوپاركتەر سەرۆيسىنە قوسىلعانداردىڭ جيناق تابىسى 400 ملرد تەڭگەدەن اسقان. بۇل وتكەن جىلدىڭ 11 ايىنداعى كورسەتكىشپەن سالىستىرعاندا، ءبىر جارىم ەسە ارتىق، دەپ حابارلايدى اlmaty-akshamy.kz @Financekaz-گە سىلتەمە جاساپ.
بۇل سوما جۇرگىزۋشىلەر مەن تاكسوپاركتەردىڭ ەلىمىزدىڭ 20 قالاسىنا جاساعان ساپارىنىڭ ناتيجەسى، وندا دا موتيۆاسيالىق باعدارلاما مەن سەرۆيستەن كوميسسيانى الىپ تاستاعانداعى كورسەتكىش. وسى جىلى قازاندا سەرۆيستىڭ تاپسىرىسىن 200 مىڭنان اسا جۇرگىزۋشى ورىنداعان. بۇل بىلتىرعىدان ءتورت ەسە كوپ. ءبىر قىزىعى، تاسىمال جۇرگىزۋشىلەردىڭ باسىم بولىگىنىڭ نەگىزگى جۇمىسى ەمەس، قوسىمشا تابىس كوزى. جولاۋشى تاسىمالى جۇرگىزۋشىلەردىڭ تورتتەن ءبىرىنىڭ عانا نەگىزگى تابىسى سانالادى.
ساراپشىلاردىڭ پىكىرىنشە، تاكسيستەردىڭ تابىسى ەلدەگى مەدياندىق جالاقى مولشەرىنەن ەكى ەسە ارتقان. اگرەگاتور ارقىلى تاپسىرىس قابىلداعان جۇرگىزۋشىلەردىڭ تابىسى ايىنا 493 مىڭ تەڭگە بولعانىن Urban Forum جازدى. ءسويتىپ نە كەرەك، ياندەكس وسى كۇنى ەرلەپ تۇر. ايتپاقشى، بۇل كومپانيا رەسەيدەن كەتىپ، قازاقستانعا كەلەدى دەگەن قاۋەسەت بار.