جۇرەك جاقسى جۇمىس ىستەۋى ءۇشىن كاليي اسا ماڭىزدى. بۇل ماكروەلەمەنت ميوكارد ديستروفياسىنان قورعايدى. بۇل تۋرالى "لەنتا.رۋ" باسىلىمىنا تەراپيەۆت وكسانا پيۆوۆاروۆا ايتىپ بەردى، - دەپ حابارلايدى aqshamnews.kz ءتىلشىسى.
دارىگەر اس مازىرىنە ورىك، بانان، قۇلپىناي مەن قاراقات قوسۋعا كەڭەس بەردى. سونىمەن قاتار، ول كەيبىر جەمىستەردىڭ قۇرامىندا قانت مولشەرى كوپ بولاتىنىن ەسكەرتىپ، قانتتىڭ ارتىق مولشەرى جۇرەك پاتولوگياسى بار ناۋقاستارعا قاتاڭ تۇردە تىيىم سالىناتىنىن اتاپ ءوتتى. ونىڭ ايتۋىنشا، كالييدىڭ قۇندى قورلارىن جاڭعاقتاردان، باۋىردان جانە ءسۇت ونىمدەرىنەن دە تابۋعا بولادى، ال ءسۇت ونىمدەرىن مايلىلىعى 1 پايىزدان اسپايتىن تۇرىنەن تاڭداعان دۇرىس.
سونداي-اق دارىگەر ەكىنشى ماڭىزدى ەلەمەنت ماگنيي ەكەنىن ايتتى، ول قانتامىر قابىرعالارىنىڭ سەرپىمدىلىگى مەن تونۋسىنا جاۋاپ بەرەدى. ونىڭ تاپشىلىعىن تولىقتىرۋ ءۇشىن تەراپيەۆت بۇرشاق تۇقىمداستارعا، سابىزگە، قۇلپىنايعا، اۆوكادوعا جانە قاراقۇمىق، س ۇلى، بيداي جارمالارىنان دايىندالعان بوتقالاردى جەۋگە كەڭەس بەردى.
"جۇرەك بۇلشىقەتىنىڭ مەتابوليزمىندە ومەگا-3 ماي قىشقىلدارى ەرەكشە ءرول اتقارادى. ولار جۇرەكتىڭ جيىرىلۋ فۋنكسياسىن جاقسارتىپ قانا قويماي، "جامان" حولەستەرين دەڭگەيىن تومەندەتەدى، سونداي-اق ديەتا ۇستانعان كەزدە ماڭىزدى بولاتىن اعزانىڭ ەنەرگەتيكالىق بالانسىن قولدايدى. ومەگا-3ء-تىڭ نەگىزگى كوزدەرى – اقسەركە جانە ءزايتۇن مايى"، – دەدى پيۆوۆاروۆا.
ەت ونىمدەرىنىڭ ىشىنەن مامان مايى از تۇرلەرىنە – سيىر ەتىنە، قۇناجىن ەتىنە، قويان مەن تاۋىق ەتىنە باسىمدىق بەرۋدى ۇسىندى. دامدەۋىشتەردى شامادان تىس قولدانباۋ كەرەك: ولار تەك اسقازان-ىشەك جولى تاراپىنان ەمەس، جۇرەك-قانتامىر جۇيەسى جاعىنان دا جاعىمسىز رەاكسيالار تۋعىزۋى مۇمكىن.