جۇقپالى اۋرۋلارعا قارسى ۆاكسينالاۋ جۇمىستارىن جالعاستىرۋ قاجەت

ق ر پرەمەر-مينيسترىنىڭ ورىنباسارى ەرالى توعجانوۆ وسىلاي دەدى.

بۇگىن ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن ق ر اۋماعىندا كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسى ءوتتى، دەپ حابارلايدى Almaty-akshamy.kz

كۇن تارتىبىندەگى نەگىزگى ماسەلەلەر COVID-19-عا قارسى كۇرەسۋ، «وميكرون» جاڭا شتامى تارالعان ەلدەردە بولعان قازاقستاندىقتاردىڭ ورالۋى جانە ودان كەيىنگى كارانتين ماسەلەلەرى بويىنشا شەشىمدەر قابىلداۋعا قاتىستى بولدى.

ۆيسە-پرەمەر ەلدەگى ەپيدەميولوگيالىق جاعداي تۇراقتى ەكەنىن اتاپ ءوتىپ، حالىقتى كوروناۆيرۋستىق ينفەكسياعا جانە باسقا دا جۇقپالى اۋرۋلارعا قارسى ۆاكسيناسيالاۋ جۇمىستارىن جالعاستىرۋ قاجەتتىگىن اتاپ ءوتتى. 

ۆەدومستۆوارالىق كوميسسيا جوسپارلى يممۋنداۋمەن قامتۋ 10 اي ىشىندەگى وڭتايلى كورسەتكىش جوسپارلى 95%-دىڭ 79%-ىن قۇرايتىنىن اتاپ ءوتتى. رەسپۋبليكانىڭ بارلىق وڭىرلەرىندە پنيەۆموكوكك ينفەكسياسى، كوكجوتەل، ديفتەريا، سىرەسپەگە (اكدس) قارسى ۆاكسينالاۋمەن قامتۋعا قول جەتكىزىلمەگەن.

رەسپۋبليكالىق ماننەن تومەن كورسەتكىشتەر اتىراۋ (62،3 %)، پاۆلودار (64،7 %)، اقتوبە (66،1 %)، ماڭعىستاۋ (66،4 %)، باتىس قازاقستان وبلىستارىندا (67،4 %) جانە الماتى قالاسىندا (63،4%) بايقالادى. يممۋنداۋ قارقىنى قازان ايىنان باستاپ تۇراقتى تومەندەپ كەلە جاتقان  وڭىرلەردىڭ، قاراعاندى، الماتى، اتىراۋ، اقتوبە وبلىستارىنىڭ باسشىلارىنا سەنىپ تاپسىرىلعان اۋماقتاردىڭ حالقىن ۆاكسينالاۋمەن قامتۋدى ەرەكشە باقىلاۋعا الۋ تاپسىرماسى بەرىلدى.