Career Enbek سايتىندا جۇمىسسىز ازاماتتاردان كاسىپتىك بىلىكتىلىگىن تانۋ ءۇشىن ۆاۋچەرلەر الۋعا وتىنىمدەر قابىلداۋ باستالدى.
بۇل باستاما جۇمىسپەن قامتۋعا جاردەمدەسۋگە، ازاماتتاردىڭ كاسىبي دامۋىن قولداۋعا جانە ولاردىڭ ەڭبەك نارىعىندا باسەكەگە قابىلەتتىلىگىن ارتتىرۋعا باعىتتالعان، دەپ حابارلايدى aqshamnews.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
وتىنىمدەردى وڭدەۋدى جانە كونسۋلتاسيالىق قولداۋدى بارلىق كەزەڭدەردە ەڭبەك موبيلدىلىگى ورتالىقتارى جۇرگىزەتىن بولادى.
ءبىر رەتتىك ۆاۋچەر كاسىبي بىلىكتىلىكتى تانۋ راسىمىنەن وتۋگە جانە ازاماتتىڭ ءتيىستى داعدىلارى مەن تاجىريبەسىنىڭ بولۋىن راستاۋعا مۇمكىندىك بەرەدى، بۇل جۇمىسقا ورنالاسۋدى جەڭىلدەتۋگە كومەكتەسەدى.
ۆاۋچەرلەردى كاسىپتىك بىلىكتىلىكتى تانۋ ورتالىقتارى قابىلدايدى، بۇل جۇمىسسىز تۇلعالارعا راسىمنەن تەگىن وتۋگە مۇمكىندىك بەرەدى.
ۆاۋچەر الۋ ءۇشىن ازاماتتىڭ رەسمي «جۇمىسسىز» مارتەبەسى بولۋى، Career Enbek پلاتفورماسىندا تىركەلۋى جانە جەكە كابينەت ارقىلى ونلاين ءوتىنىش بەرۋى قاجەت.
وتىنىمدەر وسى جىلدىڭ 15 قازانىنا دەيىن قابىلدانادى.