2023 جىلى 2021 – 2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە «العاشقى جۇمىس ورنى» جوباسى بويىنشا 9 970 ادام جۇمىسقا ورنالاستىرىلدى، دەپ حابارلايدى almaty-akshamy.kz
جوباعا قاتىسۋشىلاردىڭ 61،6 %-ى (6144 ادام) ايەلدەر. وسى باعىت بويىنشا 2023 جىلى جالپى 10 مىڭ ادامدى جۇمىسقا ورنالاستىرۋ جوسپارلانعان بولاتىن. «العاشقى جۇمىس ورنى» جوباسى بويىنشا جۇمىسقا ورنالاسقانداردىڭ ەڭ كوپ سانى تۇركىستان (2 130 ادام)، الماتى (589 ادام)، جامبىل (574 ادام) وبلىستارىندا جانە شىمكەنت قالاسىندا (1 852 ادام) بايقالادى.
«العاشقى جۇمىس ورنى» جوباسى ەڭبەك جولىن ەندى باستاعالى جۇرگەن جۇمىسسىز جاستارعا ارنالعان. جوباعا قاتىسۋ ءۇشىن مانساپ ورتالىعىنا ءوتىنىش بەرۋ قاجەت.
جوباعا جالاقىسى بويىنشا مەرزىمى وتكەن بەرەشەگى جوق جانە ءبىر جىلدان استام جۇمىس ىستەيتىن سالىق جانە باسقا دا الەۋمەتتىك اۋدارىمداردى ۇنەمى اۋداراتىن بارلىق مەنشىك نىسانىنداعى كاسىپورىندار مەن ۇيىمدار جۇمىس بەرۋشى رەتىندە قاتىسا الادى.
«العاشقى جۇمىس ورنى» جوباسىنا قاتىسۋ ۇزاقتىعى 18 ايدان اسپايدى، بۇل كەزەڭ ازاماتتىڭ ەڭبەك وتىلىنە ەسەپتەلەدى.
«العاشقى جۇمىس ورنى» جوباسىن قارجىلاندىرۋدى جەرگىلىكتى بيۋدجەت قاراجاتى ەسەبىنەن حالىقتى الەۋمەتتىك قورعاۋ جانە جۇمىسپەن قامتۋ ماسەلەلەرى جونىندەگى جەرگىلىكتى اتقارۋشى ورگان جۇزەگە اسىرادى جانە جوباعا قاتىسۋشىلارعا جالاقى تولەۋدى قامتيدى.
جوباعا قاتىسۋشىنىڭ جالاقى مولشەرى ەكولوگيالىق ۇستەمەاقىلار بويىنشا تولەمدەردى قوسپاعاندا، سالىقتاردى، مىندەتتى الەۋمەتتىك اۋدارىمداردى، پايدالانىلماعان ەڭبەك دەمالىسى ءۇشىن وتەماقىلاردى جانە بانكتىك قىزمەتتەردى ەسكەرە وتىرىپ، ايىنا كەمىندە 30 ايلىق ەسەپتىك كورسەتكىشتى قۇرايدى (2023 جىلى – 103 500 تەڭگە، ال 2024 جىلى – 110 760 تەڭگە).
«العاشقى جۇمىس ورنى» جوباسىنا قاتىسۋ مەرزىمى اياقتالعاننان كەيىن جۇمىس بەرۋشى قاتىسۋشىنى كەمىندە 12 اي مەرزىمگە تۇراقتى جۇمىس ورنىنا ورنالاستىرۋعا مىندەتتى.
قاتىسۋشىلار جوبانىڭ وڭ ناتيجەلەرىمەن بولىسۋدە.
«2022 جىلى قالالىق جۇمىسپەن قامتۋ ورتالىعىنا جۇگىنگەن ەدىم، وندا ماعان «العاشقى جۇمىس ورنى» جوباسىنا قاتىسۋ ۇسىنىلدى. بارلىق قاجەتتى قۇجاتتاردى جيناعاننان كەيىن «BOLASHAK KIDS» ج ش س بالاباقشاسىنا مەدبيكە بولىپ جۇمىسقا ورنالاستىم. باعدارلاما اياقتالعاننان كەيىن، 2024 جىلدىڭ قاڭتارىندا ءوز ماماندىعىم بويىنشا وسى مەكەمەگە تۇراقتى جۇمىس ورنىنا رەسمي تۇردە ورنالاستىرىلدىم»، – دەپ ءبولىستى تاراز قالاسىنىڭ تۇرعىنى باعلان قۋانىشباي.
2024 جىلعى 1 اقپانداعى جاعداي بويىنشا «العاشقى جۇمىس ورنى» جوباسى اياسىندا 884 ادام جۇمىسقا ورنالاستىرىلدى. بيىل جالپى 8 731 ادامدى جۇمىسقا ورنالاستىرۋ جوسپارلانۋدا.