«جۇمىسشى ماماندىقتارىنىڭ قالاسى» فەستيۆالىندە قالامىزدىڭ نامىسىن قورعاپ الماتى قۇرىلىس-تەحنيكالىق كوللەدجىنىڭ ستۋدەنتتەرى مەن ءوندىرىس شەبەرلەرى «سانتەحنيكتەر ءۇيى» مەن «ۇستالار ءۇيى» جوباسىن جاساپ ءوز شەبەرلىكتەرىن كورسەتۋدە، دەپ حابارلايدى
مەملەكەت باسشىسى «جۇمىسشى ماماندىقتارىنىڭ قالاسىن» ارالاپ كوللەدج ماقتانىشى «دانەكەرلەۋ ءىسى» ماماندىعىنىڭ 4 كۋرس ستۋدەنتى تۇرعانقۇل بەكسۇلتانمەن سۇحباتتاسىپ، جاس ورەننىڭ پىكىرىن تىڭدادى.
WorldSkills Lyon - 2024 الەمدىك كاسىبي شەبەرلىك چەمپيوناتىنىڭ جۇلدەگەرى ءارى مەدالون يەگەرى پوپوۆ ميحايل دا وسى فەستيۆالدە ءوز ونەرىن كورسەتتى.
بولاشاق مامانداردىڭ، جۇمىس بەرۋشىلەر مەن كاسىپتىك-تەحنيكالىق ۇيىمداردىڭ باسىن قوسقان ۇلكەن الاڭدا كوللەدج بەن ءىرى كومپانيالار اراسىندا كەلىسىمشارتتار مەن مەموراندۋمدار جاسالىپ جاتىر.
پرەزيدەنت كەز كەلگەن ەڭبەك ءقادىرلى، قۇرمەتكە لايىق ەكەنىنە نازار اۋدارىپ، جاستاردى ايانباي ەڭبەك ەتۋگە شاقىردى.