جۇمىسشى ماماندىقتار جىلى: ءبىلىم بەرۋ مۇمكىندىكتەرى

مەملەكەت باسشىسى قاسىم-جومارت توقايەۆ «جۇمىسشى ماماندىقتارى­­­نىڭ جىلىن جاريالاۋ تۋرالى» جارلىق­قا قول قويدى. بۇل تۋرالى پرەزي­دەنت «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىندا: «ءبىز جۇمىس­شى مامان­دىقتارىن دارىپتەۋ ارقى­لى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز. بۇل «ادال ازامات – ادال ەڭبەك – ادال تابىس» قاعيداتىنا تولىق ساي كەلەدى. قوعام­دا ەڭبەكقورلىق، كاسىبيلىك سياقتى قاسيەت­تەر وتە جوعارى باعالانۋعا ءتيىس. ءوز كاسىبىن جەتىك مەڭگەرگەن ماماندار ۇلت ساپاسىن ارتتىرادى. جۇمىستىڭ جامانى جوق، كەز كەلگەن ەڭبەك – ءقادىرلى. ەڭ باستىسى، اركىم جاۋاپكەرشىلىكتى تەرەڭ سەزىنىپ، ءوز مىندەتىن ساپالى اتقارۋعا ءتيىس. سوندا عانا ەلىمىز دامۋدىڭ سارا جولىنا تۇسەدى»، دەپ اتاپ كورسەتتى.

جۇمىسشى ماماندىعىنىڭ مارتەبەسىن كوتەرۋ – بۇل دەگەنىمىز ەڭبەك ادامىنىڭ بەدەلىن ارتتىرۋ، ونىڭ كاسىبي بىلىكتىلىگىن جەتىلدىرۋ، سونداي-اق جۇمىسشىنىڭ قابىلەتىن جان-جاقتى باعالاۋ ارقىلى جۇزەگە اساتىن جان-جاقتى ۇدەرىس. بۇل مىندەتتى شەشۋ ءۇشىن كاسىبي ءبىلىم بەرۋ جۇيەسىن جەتىلدىرۋ، بىلىكتىلىكتى ارتتىرۋ، ەڭبەك جاعدايلارىن جاقسارتۋ، جۇمىسشى ماماندىقتارىنىڭ ماعىناسىن كەڭىنەن ناسيحاتتاۋ، قولداۋ كورسەتۋ سياقتى كەشەندى ءىس-شارالاردى جۇيەلى جۇرگىزۋ ارقىلى شەشىلمەك.

بۇگىنگى تاڭدا جۇمىسشى ماماندىقتارىن وقىتاتىن الماتى كوپسالالى كوللەدجى كاسىپتىك-تەحنيكالىق ءبىلىم العان جۇمىسشى ماماندارىنىڭ تەوريالىق ءبىلىم الۋمەن قاتار وندىرىستىك تاجىريبەدەن ءوتىپ، كاسىبي بىلىكتىلىگىن ارتتىرۋىنا، كوللەدجدى اياقتاعاندا دايىن ماماندىق يەسى بولىپ شىعۋىنا بارلىق مۇمكىندىكتەردى بەرەدى. كوللەدجدىڭ پەداگوگيكالىق ۇجىمى ءبىلىم بەرۋ ۇدەرىسىنە جاڭا تەحنولوگيالاردى بەلسەندى ەنگىزەدى، ءتۇرلى كاسىبي كونكۋرستارعا قاتىسىپ، وندا جۇلدەلى ورىندارعا يە بولادى.

بۇگىنگى تاڭدا كوللەدج ۇجىمى ءوز الدىنا كادرلار دايارلاۋدىڭ تيىمدىلىگىن ارتتىرۋ، قولدانىستاعى جۇيەنى جەتىلدىرۋ جانە قالا ەكونوميكاسىنىڭ سالالارىمەن ۇيلەستىرىلگەن ماماندار دايارلاۋدىڭ يننوۆاسيالىق مودەلىن ەنگىزۋ بويىنشا ماڭىزدى مىندەتتەر قويادى.

الماتى قالاسى اكىمدىگىنىڭ قولداۋىمەن 2023، 2024 جىلدارى كوللەدجدىڭ 20 ارنايى پاندەر وقىتۋشىلارى مەن وندىرىستىك وقىتۋ شەبەرلەرى تۇركيا، گەرمانيا، جۇڭگو، كورەيا، مالايزيا مەملەكەتتەرىنىڭ وقۋ ورتالىقتارىندا حالىقارالىق تاعىلىمدامادان ءوتتى.

عىلىمي-زەرتتەۋ جانە ءبىلىم بەرۋ باعىتتارىندا تاجىريبە الماسۋ بويىنشا كوللەدج قىتايدىڭ جەتەكشى ۋنيۆەرسيتەتتەرىمەن حالىقارالىق ىنتىماقتاستىقتى بەلسەندى دامىتۋدا مەموراندۋمدارعا قول قويىلعان.

الەۋمەتتىك سەرىكتەستەرمەن جانە جۇمىس بەرۋشىلەرمەن ءتيىمدى ىنتىماقتاستىق ناتيجەسىندە كوللەدج تۇلەكتەردى جۇمىسقا ورنالاستىرۋ بويىنشا جوعارى كورسەتكىشكە يە. بۇگىنگى تاڭدا كوللەدجدە الەۋمەتتىك ارىپتەستىكتى دامىتۋ باسىم باعىتتاردىڭ ءبىرى ەكەنى انىق. ستۋدەنتتەردى وندىرىستىك تاجىريبەمەن قامتاماسىز ەتەتىن قالانىڭ جەتەكشى كاسىپورىندارىمەن شارتتار مەن كەلىسىمدەر جاسالعان.

الماتى كوپسالالى كوللەدجىنىڭ اكىمشىلىگى ءبىلىم الۋشىلاردىڭ وقۋداعى تالاپتارىن قاناعاتتاندىرۋ ماقساتىندا تاڭداعان ماماندىعىن جەتىك مەگەرۋىنە بارلىق جاعداي جاساي وتىرىپ، ءتۇرلى ءىس-شارالاردى جوسپارلى تۇردە جۇرگىزەدى.  

2024 جىلى كۇردەلى جوندەۋدەن ءوتىپ، زامانۋي قۇرالدارمەن جابدىقتالعان «كوپسالالى قۇزىرەتتىلىك ورتالىعى» تەوريالىق ءبىلىمدى تاجىريبەدە بەكىتۋگە، ماماندىقتى تولىق مەڭگەرۋگە مۇمكىندىك بەرەدى:

·   جيھاز تەحنولوگياسى ورتالىعى؛

·    اعاش وڭدەۋ جانە ديزاين ورتالىعى؛

·   توڭازىتقىش-كومپرەسسورلىق جۇيەلەر ورتالىعى؛

·   ساۋلەت جانە ديزاين ورتالىعى؛

·   ساندىق شەشىمدەر ورتالىعى؛

·   Startup Hall؛

زەرتحانالار:

·  تومەن تەمپەراتۋرالى تەحنولوگيالار زەرتحاناسى؛

·  اۆتوماستەر لاب.

ساباقتان تىس ۋاقىتتا دا ماماندىققا دەگەن قىزىعۋشىلىعى مەن ىزدەنسىستەرىن دامىتۋ ماقساتىندا ءتۇرلى ءىس-شارالار ۇيىمداستىرىپ وتكىزەدى. الماتى كوپسالالى كوللەدجى ستۋدەنتتەرىنىڭ شىعارماشىلىق جەتىستىكتەرى ENACTUS KAZAKHSTAN NATIONAL EXPO 2024 بايقاۋىندا ءۇشىنشى ورىنعا يە بولىپ، ايتارلىقتاي جەتىستىكتەرگە قول جەتكىزۋى. سونداي-اق، وقۋ ءبولىمى مەن وندىرىستىك وقىتۋ شەبەرلەرى «جۇمىسشى ماماندىقتار جىلى» اياسىندا جۇمىسشى ماماندىقتارىن دارىپتەۋ جانە وقۋشىلاردى ەرتە كاسىپتىك باعدارلاۋ ماقساتىندا «الماتى كوپسالالى كوللەدجى كارتيناسى» تاقىرىبىندا شەبەرلىك-سىنىپ وتكىزدى.

ماقساتى:

·   كاسىبي ءبىلىم  مەن داعدىلاردى قالىپتاستىرۋ؛

·    ءبىلىم الۋشىلاردىڭ ءوز ماماندىعىنا قىزىعۋشىلىعىن ارتتىرىپ، ولاردىڭ ەڭبەك ەتۋگە قابىلەتتەرىن دامىتۋ؛

·    وقۋشىلاردىڭ «اكك» كارتيناسىنا قولتاڭبا قالدىرۋى.

وسىنداي ءىس-شارالاردى وتكىزۋدە جوبالىق تاپسىرمالار بەرە وتىرىپ، ورىندالعان جۇمىستاردى قورعاۋ بارىسىندا نەگىزگى يدەيانى جەتكىزۋدەگى بىرلەسە جۇرگىزگەن جۇمىستىڭ ناتيجەسى، شىعارماشىلىق ىزدەنىستەرى، كوپشىلىك الدىندا سويلەۋ مادەنيەتى، ستۋدەنتتەردىڭ قابىلەتتەرىن جان-جاقتى اشۋعا مۇمكىندىك بەرەدى.

الماتى كوپسالالى كوللەدجى ۇجىمى، مەكتەپ وقۋشىلارىنا ءبىزدىڭ وقۋ ورنىمىزعا قوش كەلدىڭىزدەر جانە ستۋدەنتتەرگە ساتتىلىك، جاڭا جەڭىستەر مەن جەتىستىكتەر تىلەيمىز!