مۇناي كومپانياسىنا جۇمىسقا كىرمەك بولعان اقتوبەلىك 1 ملن-عا جۋىق تەڭگەسىنەن ايىرىلدى
جاز ايىندا 48 جاستاعى اقتوبەلىك وزىنە قولايلى جۇمىس ىزدەگەن. تۋىسى ونى بەيتانىس اداممەن تانىستىرعان. ول جۇمىس ىزدەگەن اقتوبەلىككە مۇناي كومپانياسىنا ۆاحتالىق ادىسپەن جۇمىسقا ورنالاسۋعا كومەكتەسەتىنىن ايتىپ، ءوز قىزمەتى ءۇشىن قوماقتى اقشا سۇراعان. بەيتانىس جۇمىسشىمەن اقتوبە قالاسىنداعى كوشەلەردىڭ بىرىندە كەزدەسكەن جىگىت ءوزىن جۇمىسقا ورنالاستىراتىنا سەنىپ، وعان 2 مىڭ اقش دوللارىن قولما-قول بەرگەن، – دەپ حابارلايدى اlmaty-akshamy.kz.
الايدا جارتى جىلعا جۋىق ۋاقىت بويى ۋادە ەتكەن مۇناي كومپانياسىنا جۇمىسقا شاقىرتۋ الماعان ءارى ءبىر ميلليونعا جۋىق اقشاسىن دا قايتارىپ الا الماعان اقتوبەلىك جىگىت قاراشادا پوليسياعا ارىزداندى.
وسى دەرەك بويىنشا پوليسيا قىزمەتكەرلەرى 39 جاستاعى كۇدىكتىنى انىقتادى. الاياقتىق دەرەگى بويىنشا ق ر قىلمىستىق كودەكسىنىڭ 190-بابىنىڭ 1-بولىگى (الاياقتىق) بويىنشا قىلمىستىق ءىس قوزعالدى.