مەكسيكادا ەرەكشە زاڭ قابىلداندى.
بىلاي قاراساڭ، ءمان بەرۋگە تۇرمايتىن ۇساق-تۇيەك نارسە بولىپ كورىنگەن ماسەلە بويىنشا ارنايى زاڭ قابىلداۋ ەرىككەننەن ەمەس، قاجەتتىلىكتەن تۋىنداعان، دەپ حابارلايدى aqshamnews.kz Islam.kz-كە سىلتەمە جاساپ.
اتالمىش زاڭ تالاپتارى بويىنشا مەكسيكادا جۇمىس بەرۋشى ءار قىزمەتكەردى جۇمىس ورنىندا ورىندىقپەن قامتاماسىز ەتۋى ءتيىس. بۇل زاڭعا، اسىرەسە، كۇنى بويى تىزە بۇكپەيتىن ساۋدا سالاسىنداعى جانە قىزمەت كورسەتۋ سالالارىنداعى قىزمەتكەرلەر قۋاندى. بۇدان بىلاي، كاسسير، ساتۋشى، ت.ب. كليەنتتەرگە تىك تۇرىپ ەمەس، وتىرىپ قىزمەت ەتە الادى نەمەسە وتىرىپ جۇمىس ىستەمەۋ مۇمكىن ەمەس جاعدايدا اراسىندا ءجيى ءۇزىلىس الا الاتىن بولادى. ياعني، جۇمىس بەرۋشى تاراپ ۇدايى تۇرىپ جۇمىس ىستەيتىندەر ءۇشىن ارنايى كەستە ەنگىزۋى كەرەك. بۇل ەرەجەنى بۇزعاندار 13 مىڭ ەۋروعا دەيىن ايىپپۇل «ارقالايدى»، قايتالانعان جاعدايدا ينسپەسيا تاراپىنان قوسىمشا تەكسەرۋ پروسەدۋرالارى قاراستىرىلعان.
تۇرىپ جۇمىس ىستەيتىندەردىڭ قىزمەت سالاسىن دا دەنساۋلىققا زياندى ەڭبەك جاعدايىنا ەنزىزۋدى ۇيعاراتىن ەڭبەك كودەكسىنە ءتيىستى تۇزەتۋلەر مەن تولىقتىرۋلار وزگە مەملەكەتتەردە ءالى كۇنگە قاراستىرىلماعان.