الماتى اكىمى ەربولات دوسايەۆ ناۋرىزباي اۋدانىنداعى جۇمىس ساپارى بارىسىندا الەۋمەتتىك وسال توپتار (ءحاوت) مەن جۇمىس ىستەيتىن جاستارعا جالعا بەرىلەتىن پاتەرلەر قاراستىرىلعان جاڭا «Alem City 3» تۇرعىن ءۇي كەشەنىن ارالاپ كوردى، دەپ حابارلايدى aqshamnews.kz
ساپار بارىسىندا ەربولات دوسايەۆ مۇمكىندىگى شەكتەۋلى ازاماتتار ءۇشىن قولايلى ورتا قۇرۋدىڭ ماڭىزدىلىعىن اتاپ، تۇرعىن ۇيلەرگە پاندۋستار ورناتۋدى تاپسىردى. سونىمەن قاتار، جاڭا ۇيلەردى ۋاقىتىلى ينجەنەرلىك جەلىلەرگە قوسىپ، جىلۋ جانە سۋمەن جابدىقتاۋ جۇيەلەرىنىڭ تۇراقتى جۇمىسىن قامتاماسىز ەتۋگە تاپسىرما بەردى.
مەملەكەتتىك تۇرعىن ۇيمەن قامتاماسىز ەتۋ باعدارلامانى جۇزەگە اسىرۋ اياسىندا 2022-2023 جىلدارى كوممۋنالدىق تۇرعىن ءۇي قورىنا ءحاوت پەن جۇمىس ىستەيتىن جاستارعا بولىنەتىن 4100 پاتەر بەرىلدى. 2024 جىلدىڭ سوڭىنا دەيىن قوسىمشا 3150 پاتەر ساتىپ الۋ جوسپارلانىپ وتىر، ونىڭ 2100ء-ى ءحاوت-قا، ال 1050ء-ى جۇمىس ىستەيتىن جاستارعا ارنالعان.
جۇمىس ىستەيتىن جاستارعا ءۇش جىلعا دەيىنگى مەرزىمگە ايىنا 7-15 مىڭ تەڭگە ارالىعىندا تولەممەن جالعا بەرۋ قاراستىرىلعان، الايدا ۇزارتۋ نەمەسە ساتىپ الۋ مۇمكىندىگى جوق. وسى كەزەڭدە جالعا الۋشى جاستار كەيىننەن ەكىنشى دەڭگەيلى بانكتەر ارقىلى يپوتەكاعا تۇرعىن ءۇي ساتىپ الۋ ءۇشىن دەپوزيتتە قاراجات جيناۋى كەرەك.
بيىلعى 10 ايدا 4828 ازامات تۇرعىن ۇيمەن قامتاماسىز ەتىلدى، ولاردىڭ ىشىندە: 1655ء-ى كەزەكتە تۇرعاندار ءۇشىن كوممۋنالدىق تۇرعىن ءۇي قورىنان جالدامالى باسپانا العاندار؛ 2100ء-ى جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا بەرىلەتىن باسپانا العاندار؛ 226-ى جىلدىق 2-5% جەڭىلدەتىلگەن نەسيە بەرەتىن باعدارلاما ارقىلى باسپانا العاندار؛ 847-ى «الماتى جاستارى» باعدارلاماسى اياسىندا ءۇيلى بولعاندار. سونداي-اق، 187،3 ملن تەڭگە سوماسىنا 160 تۇرعىن ءۇي سەرتيفيكاتى بەرىلدى.