ءار جەڭىمپازعا - 1 ميلليون تەڭگە بەرىلەدى.
قازاقستاندا جاس ماماندار اراسىندا "Jas Kenes Siylygy" بايقاۋى جاريالاندى، دەپ حابارلايدى Almaty-akshamy.kz مادەنيەت جانە اقپارات مينيسترلىگىنە سىلتەمە جاساپ.
كونكۋرس پرەزيدەنت جانىنداعى جاستار ساياساتى جونىندەگى كەڭەستىڭ باستاماسىمەن ۇيىمداستىرىلىپ وتىر. نەگىزگى ماقسات - جاس مامانداردى قولداۋ جانە ىنتالاندىرۋ.
بايقاۋعا 35 جاسقا دەيىنگى قازاقستاندىقتار قاتىسا الادى. وتىنىمدەر اتالاتىن 7 نوميناسيا بويىنشا قابىلدانادى. ولار: "Janqiarlyq"، "Altyn jürek"، "Önerkäsıp"، "Bolaşaq turaly qamqorlyq"، "Adamgerşılık"، "Kömek qoly" جانە "Bızdıñ üi".
نەگىزگى اقپاراتتان باسقا ۇمىتكەرلەر ۇسىنىس پەن موتيۆاسيالىق حات ۇسىنۋى كەرەك. ىرىكتەۋدەن كەيىن سىيلىقتىڭ قۇرىلتايشىلارىمەن سۇحبات وتكىزىلەدى. سونىڭ ناتيجەسىندە ءار نوميناسيا بويىنشا ەكى جەڭىمپاز تاڭدالادى. ال "Jas Kenes Siylygy" لاۋرەاتتارى 1 ميلليون تەڭگە سىياقى الادى.
"Jas Kenes Siylygy" جوباسىنىڭ باسقا كونكۋرستاردان ايىرماشىلىعى، باسشىلار مەن توپ-مەنەدجەرلەر قاتىسا المايدى. جوبانىڭ ماقساتتى اۋديتورياسى – جاس ماماندار. سىيلىق قازاقستاندىق قوعام ءۇشىن ماڭىزدى ەكونوميكالىق سالالاردا جۇمىس ىستەيتىن، كۇندەلىكتى ەڭبەگى كوپتەگەن وتانداستار ءۇشىن ءجيى كوزگە تۇسپەيتىن جاس قازاقستاندىقتاردى كوتەرمەلەۋ ماقساتىندا بەرىلەدى"، – دەيدى كەڭەستىڭ مۇشەسى ءادىل قۇسمانوۆ.
كونكۋرسقا ءوتىنىم قابىلداۋ 2024 جىلعى 18 ماۋسىمنان 21 شىلدەگە دەيىن جالعاسادى. ونى Jaskenes.kz/application سايتىندا بەرۋگە بولادى.