2024 جىلدىڭ ءبىرىنشى جارتىجىلدىعىندا قازاقستاندا جۇمىرتقا ءوندىرىسى 10،3%-عا ازايدى. EnergyProm اناليتيكتەرىنىڭ مالىمەتىنە (https://energyprom.kz/articles-ru/markets-ru/yaichnyj-krizis-proizvodstvo-yaicz-v-kazahstane-sokratilos-na-10/) سايكەس، ەلدە 34 قۇس فابريكاسى جۇمىس ىستەيدى، ولاردىڭ ىشىندە ەڭ كوپ جۇمىرتقا اقمولا وبلىسىندا ءوندىرىلدى — 404،6 ملن دانا، بۇل وتكەن جىلمەن سالىستىرعاندا 5،3%-عا از.
باسقا كوشباسشىلار قاتارىندا قاراعاندى جانە سولتۇستىك قازاقستان وبلىستارى بار. دەگەنمەن، بۇل وڭىرلەردە دە ءوندىرىس قىسقاردى: قاراعاندى وبلىسىندا 375،4 ملن جۇمىرتقا (مينۋس 5،4 %)، سولتۇستىك قازاقستاندا — 375،4 ملن جۇمىرتقا (مينۋس 5،4 %) ءوندىرىلدى.
جۇمىرتقا يمپورتى مەن ەكسپورتى دا تيىسىنشە 53،4% جانە 64،8%-عا ازايدى. ىشكى نارىقتاعى ساتۋ كولەمى 10،5%-عا تومەندەدى. جۇمىرتقا وندىرۋشىلەر قاۋىمداستىعىنىڭ مالىمدەۋىنشە (https://inbusiness.kz/ru/news/kazahstanskih-nesushek-postavili-na-pauzu)، مۇنىڭ سەبەبى جەم باعاسىنىڭ ءوسۋى جانە مەملەكەتتىك قولداۋدىڭ تومەندەۋى.
جۇمىرتقا باعاسى ەڭ كوپ وسكەن قالالار — الماتى (18،5%)، شىمكەنت (16%) جانە اتىراۋ وبلىسى (12،3%).