2025 جىلدىڭ 1 قاڭتارىنان باستاپ قازاقستاندا اسىراۋشىسىنان ايىرىلۋىنا بايلانىستى جانە جۇمىسسىزدىق بويىنشا جاردەماقىلار 6،5%-عا وسەدى، دەپ حابارلايدى aqshamnews.kz.
اسىراۋشىسىنان ايىرىلۋىنا بايلانىستى جاردەماقى مولشەرى:
ءبىر اسىراۋىنداعى ادامعا: 42 530 تەڭگە (قازىرگى ۋاقىتتا 39 935 تەڭگە)؛
ەكى اسىراۋىنداعى ادامعا: 78 588 تەڭگە (قازىرگى ۋاقىتتا 73 792 تەڭگە)؛
ءۇش اسىراۋىنداعى ادامعا: 104 014 تەڭگە (قازىرگى ۋاقىتتا 97 666 تەڭگە)؛
ءتورت اسىراۋىنداعى ادامعا: 120 194 تەڭگە (قازىرگى ۋاقىتتا 112 859 تەڭگە)؛
بەس اسىراۋىنداعى ادامعا: 127 129 تەڭگە (قازىرگى ۋاقىتتا 119 370 تەڭگە)؛
التى جانە ودان كوپ اسىراۋىنداعى ادامدارعا: 138 685 تەڭگە (قازىرگى ۋاقىتتا 130 221 تەڭگە).
جۇمىسسىزدىق بويىنشا جاردەماقى:
جۇمىسسىزدىق جاردەماقىسى دا 6،5%-عا وسەدى، ءبىراق ءار ادامنىڭ جاردەماقى مولشەرى ونىڭ بۇرىنعى جالاقىسىنا بايلانىستى بولادى.