جۇماعارين اۆسترالياعا جول جۇرەدى

اۆستراليا - شولەيتتى ەل. تابيعي جاعدايلار - كەڭ اۋماق، شولەيتتى زوناسى اۋقىمدى، سۋ رەسۋرستارىنىڭ شەكتەۋلىلىگى. اۆستراليانىڭ  اۋىل شارۋاشىلىعى سالاسىندا 2022 جىلعى مالىمەتتەر بويىنشا ەل تۇرعىندارىنىڭ 2،37%–ى جۇمىس ىستەسە، قازاقستاندا بۇل كورەستكىش - 5،6%. دەسەدە، فەرمەرلىك قىزمەتتىڭ اۆتوماتتاندىرۋ مەن مەحانيكالاندىرۋ دەڭگەيىنىڭ ارقاسىندا اۆستراليا قوي مەن ءجۇن ەكسپورتى بويىنشا الەمدە ءبىرىنشى، سيىر ەتى بويىنشا ەكىنشى ورىندا. اۆستراليالىق اۋىل شارۋاشىلىعى مەحانيكالاندىرۋ مەن اۆتوماتتاندىرۋدىڭ جوعارى دەڭگەيىمەن ەرەكشەلەنەدى، ال فەرمەرلەرى الەمدەگى ەڭ از سۋبسيديا الاتىنداردىڭ قاتارىندا.

قازاقستاندا قوي ەتى بويىنشا ىشكى قاجەتتىلىك 107% قامتاماسىز ەتىلسە، سيىر ەتى بويىنشا - 102%. قوي شارۋاشىلىعى مەن ءىرى قارا مال شارۋاشىلىعىن دامىتۋ الەۋەتىن ەسكەرە وتىرىپ، مال شارۋاشىلىعىن ودان ءارى دامىتۋ تەك ەت ەكسپورتى ارقىلى مۇمكىن بولادى. قحر مەن رەسەيگە سالقىنداتىلعان ەت ەكسپورتىنىڭ نارىقتارىن اشۋعا دايىندىق بويىنشا ۇلكەن جۇمىس اتقارىلدى. ءبىراق سىرتقى نارىقتاردا شىنىمەن باسەكەگە قابىلەتتى بولۋ جانە قازاقستاندىقتار ءۇشىن ىشكى نارىقتا سيىر ەتىنىڭ قۇنىن تومەندەتۋ ءۇشىن بىزگە مال شارۋاشىلىعى سالاسىن ءارتاراپتاندىرۋ قاجەت.

بىزدە شەتەلدىك نارىقتاردا تانىمال، ءارى جوعارى باعالاناتىن پرەميۋمدى ساپالى ەت وندىرىلەدى. ءبىراق ونى ءوندىرۋدىڭ قۇنى وتە جوعارى. بۇل رەتتە قازاقستاندىقتار شىعىنداردىڭ شامامەن 17% ەتكە جۇمسايدى، بۇل باسقا ونىمدەرمەن سالىستىرعاندا ەڭ جوعارى كورسەتكىش. اوك سالاسىنداعى مەملەكەتتىك ساياساتتىڭ مىندەتى - ەلىمىزدىڭ تۇرعىندارى كوپ اقشا جۇمسايتىن ازىق-تۇلىك ءوندىرىسىن ارزانداتۋ. ەتتەن باسقا نان مەن جارما (8%)، ءسۇت ونىمدەرى (5%)، كوكونىستەر (4%)، جەمىستەر (4%)، قانت جانە كونديتەرلىك ونىمدەر (3،6%).