جۇماداعى اۋا رايى بولجامى

بۇگىنگە ارنالعان كۇن رايى بولجامى.

قازگيدرومەت 20 تامىزعا ارنالعان اۋا رايى بولجامىن جاريالايدى، دەپ حابارلايدى Almaty-akshamy.kz. 

ەل اۋماعىنىڭ باسىم بولىگىندە بۇرىنعىسىنشا انتيسيكلون اسەرىنەن جاۋىن-شاشىنسىز اۋا رايى كۇتىلەدى. تەك وڭتۇستىك-شىعىس تاۋلى اۋداندارىندا، سونداي-اق رەسپۋبليكانىڭ شىعىسىندا اتموسفەرالىق فرونتالدى بولىكتەردىڭ وتۋىمەن جاڭبىر جاۋادى، نايزاعاي بولادى.

ەلىمىز بويىنشا جەلدىڭ كۇشەيۋى، وڭتۇستىكتە شاڭدى داۋىل، وڭتۇستىك-شىعىسىندا بۇرشاق بولادى، سولتۇستىكتە تۇڭگى جانە تاڭعى ساعاتتاردا تۇمان كۇتىلەدى.

جامبىل وبلىسىندا كۇندىز تاۋلى جانە تاۋ بوكتەرىندەگى اۋدانداردا نايزاعاي، بۇرشاق كۇتىلەدى، وبلىستىڭ سولتۇستىك-شىعىسىندا شاڭدى داۋىل كۇتىلەدى، وبلىستىڭ سولتۇستىك-شىعىسىندا جانە وڭتۇستىك-باتىسىندا جەل 15-20 م/س كۇشەيەدى.

الماتى وبلىسىنىڭ تاۋلى اۋداندارىندا نايزاعاي كۇتىلەدى.

تۇركىستان وبلىسىنىڭ باتىسىندا شاڭدى داۋىل كۇتىلەدى، تاۋلى اۋدانداردا جانە وبلىستىڭ باتىسىندا جەل 15-20، كۇندىز ەكپىنى 25 م/س كۇشەيەدى. كۇندىز قىزىلوردا وبلىسىنىڭ وڭتۇستىگىندە جانە وڭتۇستىك-شىعىسىندا، ماڭعىستاۋ وبلىسىنىڭ سولتۇستىك-شىعىسىندا شاڭدى داۋىل كۇتىلەدى، جەل 15-20 م/س كۇشەيەدى.

شىعىس قازاقستان وبلىسىنىڭ سولتۇستىك-شىعىسىندا نايزاعاي كۇتىلەدى، كۇندىز جەل 15-20 م/س كۇشەيەدى.

كۇندىز قاراعاندى وبلىسىنىڭ وڭتۇستىگىندە جەل 15-20 م/س كۇشەيەدى.

تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىك-شىعىسىندا تۇمان كۇتىلەدى.

كۇندىز اتىراۋ، باتىس قازاقستان، اقتوبە وبلىستارىندا قاتتى ىستىق ساقتالادى، ماڭعىستاۋ، قوستاناي وبلىستارىنىڭ وڭتۇستىگىندە قاتتى ىستىق ساقتالادى.

ماڭعىستاۋ وبلىسى، اتىراۋ، باتىس قازاقستان، اقتوبە، قىزىلوردا، تۇركىستان، جامبىل، الماتى وبلىستارىنىڭ باسىم بولىگىندە، قاراعاندى وبلىسىنىڭ باتىسىندا، قوستاناي، اقمولا، شىعىس قازاقستان وبلىستارىنىڭ وڭتۇستىگىندە توتەنشە ءورت ءقاۋپى ساقتالادى.