ەلىمىزدەگى پاندەميا جاعدايىنا بايلانىستى، جەرگىلىكتى باس سانيتار دارىگەردىڭ قاۋلىسىنا سايكەس، رەسپۋبليكانىڭ كەي وڭىرلەرىندە جۇما نامازى ۋاقىتشا توقتاپ تۇر. ايتسە دە، بۇل قازاقستاننىڭ ەشبىر ايماعىندا جۇما نامازى اتقارىلماي ءجۇر دەگەندى بىلدىرمەيدى.
ەلىمىزدىڭ قاي وڭىرلەرىندە 27 تامىز كۇنى جۇما نامازى وقىلاتىنى جونىندە قمدب جاماعاتتى قۇلاعدار ەتتى، دەپ حابارلايدى Almaty-akshamy.kz
قمدب باسپا ءسوز قىزمەتىنىڭ حابارلاۋىنشا، ورتالىق اپپاراتى، رەسمي سايت پەن الەۋمەتتىك جەلىدەگى پاراقشالارىنا اپتانىڭ ورتا تۇسىندا «جۇما نامازى وقىلا ما؟» دەگەن ساۋالمەن حابارلاسۋشىلاردىڭ قاراسى قالىڭ. ءتىپتى ءدىني اقپارات بەرۋ ورتالىعىنىڭ (Call ورتالىق) 8 71 72 33 30 30 نومىرىنە بەيسەنبى-جۇما كۇندەرى حابارلاسۋشىلاردىڭ باسىم كوبى قاسيەتتى كۇنى اتقارىلاتىن نامازدىڭ وتەتىن-وتپەيتىنىن سۇرايدى.
قمدب-عا قاراستى 19 وكىلدىك بولسا، سونىڭ تەك 5-ۋىندە عانا جۇما نامازىن وقۋ ۋاقىتشا توقتاتىلعان. ال قالعان وڭىرلەردە جۇما نامازى مەشىت اۋلاسىندا اتقارىلىپ كەلەدى. سونداي-اق ەلىمىزدە كارانتين كۇشەيتىلگەن كۇندەردىڭ وزىندە جۇما، جاماعات نامازدارى وقىلماي قالسا دا، مەشىتتەردە بەس ۋاقىت نامازعا ازان ايتۋ ۇزىلگەن ەمەس.
قازاقستاننىڭ جۇما ناماز وقىلاتىن ايماعىنىڭ تولىق ءتىزىمىن مىنا جەردەن كورۋگە بولادى.