الماتىلىق پوليسەي كوشەدەگى قاراقشىلاردى ۇستادى

ءجابىر كورگەن ازامات شاپشاڭ تۇردە ستاسيونارلىق مودۋلدىك پوست قىزمەتىنە شاعىمدانعان.

الماتىداعى ستاسيونارلىق مودۋلدىك پوستتا وتىرعان پوليسيا ساقشىسى كوشەدەگى قاراقشىلاردى ۇستادى، دەپ حابارلايدى Almaty-akshamy.kz.

ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، جەرگىلىكتى تۇرعىن پوليسياعا قىلمىس تۋرالى حابارلاعان. ەر ادامنىڭ ايتۋىنشا، «سايران» اۆتوۆوكزالى ايماعىنداعى ايالدامادا بەلگىسىز ەكى ادام وعان جاقىنداپ، كۇش قولدانۋ ارقىلى ۇيالى تەلەفونى مەن اقشاسىن الىپ كەتكەن.

مامانداردىڭ ايتۋىنشا، توناۋشىلار قىلمىس ورنىنان قاشىپ كەتۋگە تىرىسقان. ءبىراق جابىرلەنۋشىنىڭ ستاسيونارلىق مودۋلدىك پوستتا قىزمەت ەتكەن پوليسيا قىزمەتكەرىنە دەر كەزىندە جۇگىنۋى شەشۋشى ءرول اتقارعان. پوليسيا قىزمەتكەرى كۇدىكتىلەردىڭ ەكەۋىن دە «ءىزىن سۋىتپاي» ۇستادى.

«قولعا تۇسكەن 38 جاستاعى ك. جانە 29 جاستاعى ح.ەسىمدى ازاماتتار ءوز كىنالارىن مويىندادى. زاتتاي ايعاقتار تاركىلەندى جانە يەسىنە قايتارىلدى. قازىرگى تاڭدا قىلمىسكەرلەر ۋاقىتشا ۇستاۋ يزولياتورىنا قامالدى. وسى فاكت بويىنشا ق ر قك-نىڭ 191-بابى 2-بولىگىنىڭ 1،3-تارماقتارى بويىنشا سوتقا دەيىنگى تەرگەۋ جۇرگىزىلۋدە. كۇدىكتىلەردىڭ وسىعان ۇقساس قىلمىستارعا قاتىستىلىعى انىقتالۋدا»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.