جۇما كۇنگى اۋا رايى بولجامى قانداي؟

22 ءساۋىر، جۇما كۇنى ەل اۋماعىنىڭ باسىم بولىگى سيكلوننىڭ ىقپالىندا بولادى جانە اتموسفەرالىق فرونتتار ءوز اسەرىن ساقتايدى.

وسىعان بايلانىستى جاڭبىر جاۋادى. ەلدىڭ شىعىسىندا قاتتى جاۋىن-شاشىن جاۋسا، سولتۇستىگىندە، سولتۇستىك-باتىسىندا جاڭبىردىڭ سوڭى قارعا ۇلاسادى، دەپ حابارلايدى Almaty-akshamy.kz قازگيدرومەتكە سىلتەمە جاساپ. 

رەسپۋبليكا بويىنشا تۇمان ءتۇسىپ، جەل كۇشەيەدى، سولتۇستىكتە كوكتايعاق بولادى، سولتۇستىكتە، باتىستا تۇمان تۇسسە، وڭتۇستىكتە، وڭتۇستىك-شىعىستا نايزاعاي جارقىلدايدى.

تۇندە اقمولا وبلىسىنىڭ سولتۇستىگىندە، شىعىسىندا تۇمان، كوكتايعاق، وبلىستىڭ سولتۇستىگىندە، وڭتۇستىك-شىعىسىندا جەلدىڭ ەكپىنى 15-20 م/س كۇشەيۋى كۇتىلەدى.

تۇندە سولتۇستىك قازاقستان وبلىسىنىڭ سولتۇستىگىندە، شىعىسىندا كوكتايعاق، تۇمان، جەلدىڭ ەكپىنى 15-20 م/س دەيىن كۇشەيەدى.

پاۆلودار وبلىسىنىڭ سولتۇستىگىندە كوكتايعاق بولىپ، تۇمان تۇسەدى، تۇندە وبلىستىڭ سولتۇستىگىندە، شىعىسىندا، ورتالىعىندا، كۇندىز شىعىسىندا جەلدىڭ ەكپىنى 15-20 م/س كۇشەيەدى.

قوستاناي وبلىسىنىڭ وڭتۇستىگىندە كوكتايعاق بولادى، جەلدىڭ ەكپىنى 15-20 م/س كۇشەيىپ، وبلىستىڭ سولتۇستىگىندە، شىعىسىندا تۇمان تۇسەدى.

اقتوبە وبلىسىنىڭ سولتۇستىك جارتىسىندا جەل 18 م/س دەيىن كۇشەيەدى.

تۇندە جانە تاڭەرتەڭ ماڭعىستاۋ وبلىسىنىڭ سولتۇستىك-باتىسىندا، وڭتۇستىگىندە تۇمان ءتۇسىپ، كۇندىز وبلىستىڭ باتىسىندا، سولتۇستىگىندە، وڭتۇستىگىندە جەلدىڭ ەكپىنى 15-20 م/س كۇشەيەدى.

اتىراۋ وبلىسىنىڭ باتىسىندا، سولتۇستىگىندە جانە ورتالىعىندا جەل 15-20 م/س دەيىن كۇشەيەدى.

تۇندە جانە تاڭەرتەڭ باتىس قازاقستان وبلىسىندا وڭتۇستىك-باتىسىندا تۇمان، كۇندىز وبلىستىڭ شىعىسىندا جەلدىڭ ەكپىنى 15-20 م/س كۇشەيۋى كۇتىلەدى.

قاراعاندى وبلىسىنىڭ سولتۇستىگىندە، باتىسىندا، شىعىس قازاقستان وبلىسىنىڭ وڭتۇستىگىندە، شىعىسىندا جەلدىڭ ەكپىنى 15-20 م/س دەيىن كۇشەيەدى.

كۇندىز قىزىلوردا وبلىسىنىڭ ورتالىعىندا جەلدىڭ ەكپىنى 15-20 م/س كۇشەيەدى. جامبىل وبلىسىندا نايزاعاي كەزىندە جەلدىڭ ەكپىنى 15-20 م/س دەيىن ارتادى.

الماتى وبلىسىندا نايزاعاي كەزىندە جەلدىڭ جىلدامدىعى 17-22 م/س، الاكول كولدەرى اۋدانىندا 25 م/س كۇشەيەدى.

تۇركىستان وبلىسىنىڭ تاۋلارىندا داۋىل سوعىپ، نايزاعاي كەزىندە جەلدىڭ 15-20 م/س كۇشەيەدى. الماتى وبلىسىنىڭ وڭتۇستىگىندە توتەنشە ءورت ءقاۋپى ساقتالادى.