الماتىدا 5 ادامدى مەرت قىلعان «اقبۇلاق اتقىشى» يگور دۋجنوۆ سوتتا سوڭعى ءسوزىن ايتتى
ول قايعىلى وقيعا بولعانعا دەيىن ءوزى وق اتقان ادامدارعا ەشقانداي وشپەندىلىك تانىتپاعانىن مالىمدەدى، دەپ حابارلايدى Almaty-akshamy.kz 24.kz-كە سىلتەمە جاساپ.
«مۇنىڭ بارىنە زاڭسىز شەشىمدەر سەبەپ بولدى. قولىما قارۋدى وتباسىن قورعاۋ ءۇشىن الدىم»، - دەدى ول.
ايىپتالۋشىعا قاتىستى سوت ۇكىمى كەلەسى اپتادا 26 ءساۋىر كۇنى شىعادى. ەسكە سالا كەتەيىك، وعان قاتىستى سوت پروسەسى 29 ناۋرىزدان بەرى ونلاين رەجيمدە ءوتىپ جاتىر. الدىڭعى وتىرىستا ايىپتاۋشى تاراپ سۋديادان دۋجنوۆتى ەڭ قاتاڭ جازا – ءومىر بويى باس بوستاندىعىنان ايىرۋدى سۇراعان ەدى.