(24 اقپان – 4 ناۋرىز)
توقتى (21 ناۋرىز – 20 ءساۋىر) وسى اپتادا وزىڭىزگە دەمالىس جاريالاڭىز. كوڭىلىڭىزدى كوتەرەتىن قويىلىمدارعا بارىپ ءبىر سەرگىپ قايتقانىڭىز ابزال. بوس ۋاقىتىڭىزدى ءتيىمدى شارۋالارعا ارناڭىز. جاقىندارىڭىزدى قۋانتۋ ءۇشىن بارىڭىزدى سالاسىز.
تورپاق (21 ءساۋىر – 21 مامىر) اپتانىڭ العاشقى كۇندەرى ارمانداعان ويلارىڭىزعا قول جەتكىزەسىز. بارلىق تىلەكتەرىڭىز ورىندالادى. كوپ سۇراقتاردىڭ شەشىمىن تاۋىپ، سۇيىكتىڭىزبەن رومانتيكاعا تولى كەش وتكىزەسىز.
ەگىزدەر (22 مامىر – 21 ماۋسىم) كوكتەمنىڭ العاشقى كۇندەرىندە باقىتقا كەنەلەسىز. ءيا، وعان سەبەپ تە بار – ءسىز ويعا الىپ جۇرگەن ىستەردى قولعا الدىڭىز. وتباسىڭىز، جورا-جولداستارىڭىز ءبارى قاسىڭىزدا. ويتكەنى، ءسىز مەيىربان جانسىز. سىي-قۇرمەتكە لايىقسىز.
شايان (22 ماۋسىم – 22 شىلدە) بۇل كۇندەرى جانىڭىزداعى ادامداردىڭ بارىنە كومەك بەرگىڭىز كەلىپ تۇرادى. سەبەبى اقكوڭىل، اقىلدى، پاراساتتى ويلاي بىلەتىن جانسىز. قارجىڭىز دا جەتكىلىكتى. ەشقانداي قينالۋ دەگەندى بىلمەيتىن باقىتتى جانسىز.
ارىستان (23 شىلدە – 23 تامىز) اپتانىڭ باسى جاعىمسىز جاڭالىقتارعا، توسىن وقيعالارعا تولى بولماق. «ءار جاماندىقتىڭ ءبىر جاقسىلىعى بار» دەمەكشى، قۋانتارلىق جاڭالىقتار دا ءسىزدى كۇتۋدە. وزىڭىزگە دەگەن سەنىمدىلىگىڭىز ءسىزدىڭ بەينەڭىزدى ايشىقتاي تۇسپەك.
بيكەش (24 تامىز – 22 قىركۇيەك) كۇنىڭىز تاماشا كۇتپەگەن جاڭالىقتاردان باستالادى. ءىسىڭىز دە العا جۇرەدى. ماحابباتتا دا جولىڭىز بولادى. ەش نارسەدەن قايمىقپاڭىز، تەك العا. ماقساتتارىڭىز دا ورىندالىپ، ءجۇزىڭىز باقىت پەن قۋانىشقا تولادى. اسىعىس شەشىم قابىلداماڭىز. اركەز كۇلىپ ءجۇرىڭىز. كۇلىپ جۇرگەن سايىن سىزگە ءبارى قاراپ، «قاشان كورسەڭ دە جۇزىنەن باقىت كەتپەيتىن قانداي كەرەمەت جان» دەپ قىزىعاتىن بولادى. ارينە، ءسىز ايتپاسا دا باقىتتى جان ەمەسسىز بە. سولاي ما؟
تارازى (23 قىركۇيەك – 22 قازان) كوكتەمدەي قۇلپىرىپ، جان-جاعىڭىزعا مەيىرىمدىلىك نۇرىن توگىپ جۇرەسىز. مەرەكە كۇندەرىن تۋعان-تۋىستارىڭىزبەن وتكەرىڭىز. دەنساۋلىعىڭىزعا نازار اۋدارىڭىز. اجارىڭىزعا ءمان بەرىپ، كۇتىنۋدى دە ۇمىتپاڭىز.
سارىشايان (23 قازان – 21 قاراشا) جۇمىستارىڭىز العا باسادى. ارىپتەستەرىڭىزبەن ۇلكەن كەلىسىمشارتقا وتىرۋىڭىز مۇمكىن. اپتانىڭ العاشقى كۇندەرى سابىرلى بولعانىڭىز ءجون. جاقىندارىڭىزعا كوبىرەك كوڭىل بولگەنىڭىز ءجون. ولار سىزدەن قولداۋ كۇتىپ ءجۇر. جۇمىس-جۇمىس دەپ جۇرگەندە، سۇيگەنىڭىزدەن ايىرىلىپ قالىپ جۇرمەڭىز.
مەرگەن (22 قاراشا – 21 جەلتوقسان) ماحابباتىڭىزدى ىزدەپ-ىزدەپ، اقىرى قول جەتكىزدىڭىز. باقىتتىسىز. ايتقاننان قايتپايتىن، اقىلىنا كوركى ساي جانسىز. جان-جاعىڭىزداعى جانداردىڭ ءبارى سىزگە ءسۇيسىنىپ قارايدى. «مەن دە وسىنداي بولسام ەكەن» دەپ، ۇلگى تۇتاتىن ادامدار دا كوپ.
تاۋەشكى (22 جەلتوقسان – 20 قاڭتار) سىزدەن اسقان اقىلدى ادام جوق، بارىنە كەڭەس بەرۋدەن جالىقپايسىز. ءسىزدى جاقسى كورەتىن جاندار وتە كوپ. ارينە، ءسىزدى قالايشا جاقسى كورمەسكە؟ ءسىز وتە اقكوڭىل، مەيىرىمدى، قامقور جانسىز. دەمالىس كۇندەرىن جاقىندارىڭىزبەن وتكىزۋگە تىرىسىڭىز.
سۋقۇيعىش (21 قاڭتار – 19 اقپان) دەمالىسىڭىزدى قولونەرگە ارناڭىز. ءوزىڭىز قالاعان شارۋامەن اينالىسۋ ارقىلى كوڭىلىڭىزدەگى كۇپتى ماسەلەلەردى شەشەسىز. وسى اپتا ءسىزدىڭ پايداڭىزعا شەشىلمەك.
بالىقتار (20 اقپان – 20 ناۋرىز) اپتا باسى قاربالاس بولماق. جاقىندارىڭىزعا جىلۋلىق سىيلاۋدى ۇمىتپاڭىز. ويعا العان شارۋالاردى اتقارمايىنشا تىنبايسىز. ناتيجەسىندە ۇلكەن جەتىستىكتەرگە قول جەتكىزەسىز.
ازىرلەگەن اقتولقىن عالىمعازى قىزى