توقتى (21 ناۋرىز – 20 ءساۋىر). اپتانىڭ العاشقى كۇندەرى قىزىقتى جاڭالىقتارعا تولى بولماق. بەلەڭ الاتىن وقيعالار ءسىزدىڭ باستاماڭىز ارقىلى وربىمەك. قولىڭىزدان كەلەتىن ءىستى جەتىلدىرىپ، ومىرىڭىزگە وزگەرىس ەنگىزۋگە ۇمتىلىڭىز. ءسىزدى الدا جان تەبىرەنتەرلىك اسەر مەن قايتالانباس وقيعالار كۇتىپ تۇرعانىن ەستەن شىعارماڭىز.
تورپاق (21 ءساۋىر – 21 مامىر). دەمالىس كۇندەرىڭىز بارىنشا قىزىقتى ءارى ءساتتى وتپەك. ءسىز اينالاڭىزدا بولىپ جاتقان وقيعالارعا شىن كوڭىلمەن قىزىعۋشىلىق ءبىلدىرىپ، قوعامدىق ومىردە بەلسەندى بولاسىز. اينالاڭىزداعى ادامداردىڭ كوزايىمىنا اينالىپ، ومىرىڭىزگە ەلەۋلى وزگەرىستەر ەنگىزەتىن بەدەلدى قاۋىممەن تانىسۋىڭىز ىقتيمال.
ەگىزدەر (22 مامىر – 21 ماۋسىم). وسى اپتادا بارىنشا جاقسى جاعىڭىزدان كورىنەسىز. بۇل – تۇرمىستىق ماسەلەلەردى شەشۋگە قولايلى ۋاقىت. كەرەكتى جۇمىسپەن اينالىسىپ جانە وعان ەرەكشە كوڭىل ءبولىپ، ءوز بەدەلىڭىزدى ارتتىراسىز. قيىن جۇمىستاردى ىستەۋگە مۇمكىندىگىڭىزدىڭ بارىن كورسەتەسىز.
شايان (22 ماۋسىم – 22 شىلدە). اپتا باسى شاياندار ءۇشىن تانىستىق اياسىن كەڭەيتەتىن جانە شاقىرعان جەردەن قالماۋدىڭ ماڭىزىن تۇسىندىرەدى. دەمالىس كۇندەرى قىزىقتى ادامدارمەن تانىسىپ، ولاردىڭ كومەگىمەن ىسكەرلىك بايلانىس ورناتاسىز. وسى اپتادا ءسىزدىڭ اقىل-كەڭەسىڭىز دوستارىڭىزعا اسا قاجەت بولۋى مۇمكىن.
ارىستان (23 شىلدە – 23 تامىز). تۋىستارىڭىزدىڭ ەسكى سۋرەتتەرىن قالپىنا كەلتىرىڭىز. بالكىم، وسى كۇندەرى ءوز وتباسىڭىز جايلى ءوزىڭىز بىلمەيتىن قۇپيالار اشىلار. اپتانىڭ ەكىنشى جارتىسىندا ءوز جاقىندارىڭىزدان جاعىمسىز حابار ەستۋىڭىز مۇمكىن، ول حابار ءسىزدىڭ بەدەلىڭىزگە زاردابىن تيگىزەدى.
بيكەش (24 تامىز – 22 قىركۇيەك). اسىقپاڭىز، بارلىعىنا بىردەن قول جەتكىزبەيسىز، كەيدە قالاعان ناتيجەگە جەتپەس بۇرىن سىزگە بىرنەشە رەت ارەكەت ەتۋ قاجەت. كەزدەيسوق كەزدەسۋلەر بولۋى مۇمكىن. كەيبىر بيكەشتەر بۇرىن كوپ جاقسى سوزدەر ەستىگەن ادامدارىمەن سويلەسە الادى. ۇزاق دوستىق وسىنداي تانىسۋدان باستالۋى مۇمكىن.
تارازى (23 قىركۇيەك – 22 قازان). تارازىلاردىڭ ەڭبەككە قۇلشىنىسى ارتادى. وسى ۋاقىتتا ءوزىڭىزدىڭ قارجىعا قاتىستى كوزقاراسىڭىزدى ابدەن تارازىلاپ، ءتۇيىندى، شەشۋى قيىن سۇراقتارعا دەن قويىپ، مويىن بۇرعانىڭىز دۇرىس. جاقسىلاپ ەڭبەكتەنگەنىڭىز ءسىزدى پايداعا كەنەلتەدى.
سارىشايان (23 قازان – 21 قاراشا). اپتا باسىن ءوي-ورىسىڭىزدى دامىتۋعا، جەكە تىرلىكتەرىڭىزدى شەشۋگە، اينالاڭىزداعى دوسجاراندارعا دا كەڭەس بەرۋگە ارنايسىز. دەمالىس كۇندەرى ۇيالى تەلەفونىڭىزدى، عالامتورىڭىزدى ءوشىرىپ، جان راحاتىنا بولەنىڭىز، جاقسىلاپ دەمالىپ، بويىڭىزدى سەرگىتىپ العانىڭىز ءجون.
مەرگەن (22 قاراشا – 21 جەلتوقسان). ەرەكشە بەلسەندىلىگىڭىز وزىڭىزگە كەدەرگى جاسايدى. قاتەلىكتەر جىبەرىپ، جىلدام اشۋلانۋعا بەيىم كەلەسىز. الايدا، كەشكە بار قيىندىقتارىڭىزدى وڭاي شەشىپ الۋعا مۇمكىندىك تۋادى. كەلەسى اپتاعا جاڭا جوسپار قۇراسىز. جاقىندارىڭىز ءسىزدى باعالايتىن بولادى.
تاۋەشكى (22 جەلتوقسان – 20 قاڭتار). «ءبىر قيىندىقتىڭ ارتىنان ەكى جاقسىلىق كۇت» دەمەكشى، كەز كەلگەن قيىندىققا شىداپ باعىڭىز. ءىسىڭىز الداعى ۋاقىتتا العا باسۋى مۇمكىن. سوندىقتان بارىنە تۇسىنىستىكپەن قاراعانىڭىز ابزال. كەيبىر ادامدارمەن ءتىل تابىسۋ، ءتۇسىنىسۋ قيىنداۋ بولۋى مۇمكىن. ءبىراق ءبارى وتكىنشى ەكەنىن ەستەن شىعارماڭىز.
سۋقۇيعىش (21 قاڭتار – 19 اقپان). دوستارىڭىزدىڭ اراسىندا ەشتەڭەنى سەزىنە قويماساڭىز دا، وتباسىڭىزداعى تۇسىنىسپەۋشىلىك ۋشىعۋى ىقتيمال. جاقىندارىڭىزدىڭ جامان جاعىن ەمەس، جاقسىلىعىن كورە بىلگەنىڭىز وزىڭىزگە دە جەڭىلدىك اكەلەدى.
بالىقتار (20 اقپان – 20 ناۋرىز). اپتانىڭ العاشقى كۇندەرى ءوزىڭىزدى جايسىز، ەشكىمگە كەرەك ەمەستەي سەزىنەسىز. دەنساۋلىعىڭىزدى كۇتىڭىز. ماحابباتتا جولىڭىز بولمايدى. ءبىراق ىستەگەن ءاربىر ىس-ارەكەتىڭىز تەك بولاشاقتا باقىتتى بولۋعا جاسالعان قادامداردىڭ ءبىرى دەپ قاراڭىز.
ازىرلەگەن اقتولقىن عالىمعازى قىزى