جەڭىمپاز ويى
ۇلتتىق وليمپيادا كوميتەتى دەرگىنشە، بوكستان الەم چەمپيوناتىنىڭ كۇمىس جۇلدەگەرى ماحمۇد سابىرحان Altyn Samǵaý-2021 ۇلتتىق سپورتتىق جۇلدەسىنىڭ «جىل جاڭالىعى» اتالىمىندا ۇمىتكەرلەر قاتارىنا ەندى، دەپ حابارلايدى Almaty-akshamy.kz
وسى ورايدا، بوكسشى ۇمىتكەر قاتارىندا بولۋدىڭ ءوزى زور مارتەبە ەكەنىن جاسىرعان جوق.
«العاش رەت ەرەسەكتەر اراسىنداعى الەم چەمپيوناتىنا قاتىسىپ، كۇمىس مەدال الدىم. بۇل وقيعادان كەيىن ءومىرىم ايتارلىقتاي وزگەرگەن جوق. جاتتىعۋدى، دايىندىقتى ءارى قاراي جالعاستىرىپ، جاڭا بەلەستەرگە ۇمتىلامىز.
ال ۇلتتىق سپورتتىق جۇلدەگە ۇمىتكەر رەتىندە قوسىلعانىمنىڭ ءوزى مەن ءۇشىن ابىروي. ەڭبەگىمىزدى ەلەپ جاتقان جاندارعا، داۋىس بەرىپ جاتقان جانكۇيەرلەرگە راحمەت! ەگەر بۇل اتالىمدا جەڭىسكە جەتسەم، نۇر ۇستىنە نۇر بولارى ءسوزسىز»، - دەدى بوكسشى.