قالا بويىنشا بارلىعى 989 ۋچاسكە ۇيىمداستىرىلعان.
بۇل مالىمەتتەردى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي مالىمدەدى، دەپ حابارلايدى Almaty-akshamy.kz
قدب وكىلىنىڭ دەرەكتەرى بويىنشا، بۇگىنگى كۇنى الماتى قالاسى بويىنشا جالپى پراكتيكا دارىگەرىنىڭ ءبىر ۋچاسكەسىنە جۇكتەمە – 1 616 ادامدى قۇرايدى، جوسپارلى جۇكتەمە – 1 700 ادام، ءبىر تەراپيەۆتىك ۋچاسكەگە – 2 164 ەرەسەك ادام، جوسپار بويىنشا – 2 200 ادام، پەدياتريالىق ۋچاسكەدە جوسپار بويىنشا 6 جاسقا دەيىنگى 500 بالا بولۋى ءتيىس، ال مۇنداعى بالالار سانى – 777.
«بۇگىندە پەدياتريالىق ۋچاسكەلەردە 14 جاسقا دەيىنگى بالالار تىركەلگەن. ءبىز 6 جاسقا دەيىنگى بالالارعا قىزمەت كورسەتەتىن پەدياتريالىق ۋچاسكەلەردىڭ جۇكتەمەسىن كەزەڭ-كەزەڭمەن ازايتۋدى جوسپارلاپ وتىرمىز»، - دەدى لاۋرا مىرزاعالي.
قدب باسشىسىنىڭ ورىنباسارى جالپى پراكتيكا دارىگەرلەرىنىڭ جۇكتەمەسىن ەسكەرە وتىرىپ، 2021 جىلعى 1 قاڭتار مەن 1 شىلدە ارالىعىندا الماتىدا مساك ۇيىمدارىندا جالپى پراكتيكا دارىگەرلەرىنىڭ 15 قوسىمشا ۋچاسكەسى اشىلعانىن ايتتى. قالا بويىنشا بارلىعى 989 ۋچاسكە ۇيىمداستىرىلعان.
سونىمەن قاتار، لاۋرا مىرزاعالي الماتى تۇرعىندارى بۇگىن «دامۋ» موبيلدىك قوسىمشاسىندا ەلەكتروندىق قىزمەتتەردىڭ كەڭ سپەكترىن پايدالانا الاتىنىن حابارلادى. مىسالى، دارىگەردىڭ قابىلداۋىنا جازىلۋ، دارىگەردى ۇيگە شاقىرۋ، زەرتحانالىق زەرتتەۋلەردىڭ ناتيجەلەرىن، اۋرۋحانا پاراقتارىن قاراۋ، دارى-دارمەكتەردى تابۋ جانە ت. ب.
«ناتيجەسىندە پاسيەنتتەرگە قىزمەت كورسەتۋ ۋاقىتى 20%-عا، كەزەكتە تۇرۋ ۋاقىتى 30%-عا قىسقاردى. پاسيەنتتى دارىگەرگە جازۋ ۋاقىتى 2 ەسە جانە دارىگەردى ۇيگە شاقىرۋ ۋاقىتى 1،5 ەسە ازايدى»، - دەپ اتاپ ءوتتى قدب باسشىسىنىڭ ورىنباسارى.
بۇل قوسىمشانىڭ ىڭعايلىلىعى 859 مىڭعا جۋىق ادامنىڭ جەكە كابينەتتەر قۇرىپ، وندا كورسەتىلگەن قىزمەتتەردى بەلسەندى پايدالاناتىندىعىمەن راستالادى.
بۇگىندە «ەلەكتروندى دەنساۋلىق پاسپورتى» 1 856 329 ادامعا قۇرىلدى، ول بارلىق تىركەلگەن حالىقتىڭ 98%-ىن قۇرادى.