پويىز وقيعاعا بايلانىستى 19 مينۋت كىدىردى
شىعىس قازاقستان وبلىسىندا جۇك پويىزى 8 جىلقىنى قاعىپ كەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
5 جەلتوقساندا ساعات 07:17-دە شىعىس قازاقستان وبلىسىنىڭ «كورشۋنوۆا-چەرەمشانكا» ارالىعىندا جۇك پويىزىنىڭ ءماشينيسى تەمىر جولدا جۇرگەن جىلقى ءۇيىرىن بايقاپ، سوقتىعىسۋدى بولدىرماۋعا تىرىسىپ، شۇعىل تەجەۋدى باسقان. الايدا اپاتتىڭ الدىن الۋ مۇمكىن بولمادى. سونىڭ سالدارىنان پويىز 8 جىلقىنى قاعىپ كەتتى.
پويىز وقيعاعا بايلانىستى 19 مينۋت كىدىردى. بۇل تۋرالى ق ر ءىىم كولىكتەگى پوليسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ مالىمدەدى.
م.ايتۋعانوۆتىڭ ايتۋىنشا، وقيعا ورنىنا ريددەر ستانسياسىنداعى جەلىلىك پوليسيا بولىمشەسىنىڭ قىزمەتكەرلەرى بىردەن جەتتى. وتكىزىلگەن ءتيىستى ءىس-شارالاردىڭ ناتيجەسىندە ءۇي جانۋارلارىنىڭ يەسى، شقو گلۋبوكوە اۋدانىنىڭ 33 جاستاعى تۇرعىنى انىقتالدى.