حالىقارالىق وق اتۋ تۋرنيرىندە ارميا سپورتشىلارى التى مەدال جەڭىپ الدى

چەمپيونات اياسىندا ءتۇرلى جاتتىعۋلار بويىنشا 25 مەدال ساراپقا سالىندى

قورعانىس مينيسترلىگى ورتالىق سپورت كلۋبىنىڭ وكىلدەرى «دينامو» دەنە شىنىقتىرۋ-سپورت قوعامى ورتالىق كەڭەسىنىڭ اشىق چەمپيوناتىندا وق اتۋدان ءساتتى ونەر كورسەتتى، دەپ حابارلايدى Almaty-akshamy.kz.
 
الماتى قالاسىنىڭ «وتان» اتقىشتار ءتيرى بازاسىندا وتكەن تۋرنيرگە قازاقستان، قىرعىزستان جانە وزبەكستاننان 150-گە جۋىق سپورتشى، ونىڭ ىشىندە قورعانىس مينيسترلىگىنىڭ ورتالىق سپورت كلۋبىنىڭ ءتورت وكىلى قاتىستى.

– بۇل جارىستىڭ دەڭگەيى وتە جوعارى، ويتكەنى شەتەلدىك سپورتشىلار، ءتۇرلى كۇشتىك قۇرىلىمداردىڭ وكىلدەرى قاتىسادى. بۇل جوعارى باسەكەلەستىكتى قامتاماسىز ەتەدى. ءبىزدىڭ سپورتشىلار ءجۇز پايىزعا جاقسى ناتيجە كورسەتتى، –دەپ اتاپ ءوتتى كوماندانىڭ جاتتىقتىرۋشىسى سەرجانت ولگا ۆاجنينا.  

چەمپيونات شەڭبەرىندەگى ءتۇرلى جاتتىعۋلاردا بارلىعى 25 مەدال جيىنتىعى وينالدى.

ورتالىق سپورت كلۋبىنىڭ وكىلى ەلەنا فەينبەرگ شاعىن كاليبرلى (مپ-5) جانە پنيەۆماتيكالىق تاپانشالاردان (پپ-mix) اتۋدان 2 التىن مەدال جەڭىپ الدى. لەيتەنانت جانەل سەرىكبايەۆا كىشى كاليبرلى مىلتىقتان اتۋ مەن مۆ-5 جانە مۆ-9 جاتتىعۋلارىندا ەرەكشەلەنىپ، تيىسىنشە كۇمىس، قولا مەدالدى يەلەندى. داريا كالينينا كىشى كاليبرلى مىلتىقتان (مۆ-9) اتۋ كەزىندە كوماندانىڭ قورجىنىنا «كۇمىس» اكەلسە، سەرجانت ديانا حارچەنكو شاعىن كاليبرلى تاپانشادان (مپ-5) اتۋ جاتتىعۋىندا قو مەدجالدى مىسە تۇتتى.