جىلقىنىڭ يەسىنە ايىپپۇل سالىندى
پاۆلودار وبلىسىندا جۇك پويىزى 7 جىلقىنى قاعىپ كەتتى. جىلقىلاردىڭ يەسى انىقتالدى دەپ حابارلادى Almaty-akshamy.kz Pavlodarnews.kz سايتىنا سىلتەمە جاساپ.
كولىكتەگى پوليسيا دەپارتامەنتىنىڭ مالىمەتىنشە، اعىمداعى جىلعى 16 ءساۋىر كۇنگى تۇندە ەكىباستۇز-1 وتكەلىنىڭ 303 شاقىرىمىندا جۇك پويىزىنىڭ ءماشينيسى تەمىرجولدا جىلقىلاردىڭ بولۋىنا بايلانىستى شۇعىل تەجەۋدى قولداندى. پويىز 1 ساعات 33 مينۋت توقتاپ تۇردى.
«سوقتىعىسۋدىڭ الدىن الۋ مۇمكىن بولمادى. سالدارىنان 7 باس جىلقىنى قاعىپ كەتتى. ونىڭ ىشىندە ءبىر جىلقى ءولىپ، 6 جىلقى جاراقات الدى»، – دەدى دەپارتامەنتتە.
پاۆلودار ستانسياسىنداعى جەلىلىك پوليسيا ءبولىمىنىڭ قىزمەتكەرلەرى جەدەل ىزدەستىرۋ ءىس-شارالارىن جۇرگىزۋ بارىسىندا جىلقىنىڭ تەمىرجول بويىنا شىعۋىنا جول بەرگەن ەكىباستۇز قالاسىنىڭ 41 جاستاعى تۇرعىنى انىقتادى.
قۇقىقبۇزۋشىعا قاتىستى ق ر اقبتك-نىڭ 559-بابىنىڭ 1-بولىگى، ياعني تەمiرجولداردىڭ بولىنگەن جولاعىندا مال جايۋ قاعيدالارىن بۇزۋ بويىنشا اكىمشىلىك حاتتاما تولتىرىلىپ، 5 اەك مولشەرىندە ايىپپۇل سالىندى.