جىل سايىن كوكتەم مەزگىلىندە رەسپۋبليكالىق ماڭىزى بار جولداردى قىستان كەيىن ساقتاۋ جانە كۇتىپ ۇستاۋ ءۇشىن ءبىر وسكە جۇكتەمەسى 8 توننادان اساتىن اۆتوكولىك قۇرالدارىنىڭ قوزعالىسىن ۋاقىتشا شەكتەۋ ەنگىزىلەدى. ءبىرىنشى ناۋرىزدان باستاپ مۇنداي ەرەجەلەر 8 وبلىستاعى تراسسالاردا قولدانىلاتىن بولادى، دەپ حابارلايدى اlmaty-akshamy.kz.
اتاپ ايتقاندا، الماتى، اتىراۋ، جامبىل، ۇلىتاۋ، قىزىلوردا، ماڭعىستاۋ، جەتىسۋ جانە تۇركىستان وبلىستارى «بەسىنشى جول-كليماتتىق ايماققا» كىرەدى. اتالعان ۋاقىتشا شەكتەۋ شارالارى 1 ناۋرىزدان 1 ساۋىرگە دەيىن قولدانىلادى.
شەكتەۋ شارالارى جۇكتەردى جانە جولاۋشىلاردى حالىقارالىق تاسىمالداۋدى جۇزەگە اسىراتىن، توتەنشە جاعدايلاردىڭ الدىن الۋ جانە جويۋ جونىندەگى ءىس-شارالارعا تارتىلعان، زارداپ شەككەندەرگە گۋمانيتارلىق كومەك، ازىق-تۇلىك، باگاج، دارى-دارمەك تاسىمالداۋدى جۇزەگە اسىراتىن، سونداي-اق جول-قۇرىلىس جۇمىستارىمەن اينالىساتىن اۆتوكولىك قۇرالدارىنا قاتىستى قولدانىلمايدى.
وسىنداي شەكتەۋلەر 23 ناۋرىز بەن 1 مامىر ارالىعىندا اقمولا، اقتوبە، اباي، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىندا دا ەنگىزىلەتىن بولادى.