جقە بۇزعانى ءۇشىن ايىپپۇلدى ۋاقىتىلى تولەۋ كەرەك

الماتى پوليسەيلەرى ايىپپۇلدى تولەۋ ۋاقىتىن كەيىنگە قالدىرماۋعا شاقىرادى. 

Polisia.kzء-تىڭ مالىمەتنشە، ايىپپۇلدى ءوز ەركىمەن تولەۋ – بۇل ق ر اقبتك-نىڭ 893-بابىندا كوزدەلگەن ايىپپۇل سالۋ تۋرالى قاۋلىنى، ايىپپۇلدى تولەۋ قاجەتتىگى تۋرالى ۇيعارىمدى ءوز ەركىمەن ورىنداۋ، دەپ حابارلايدى Almaty-akshamy.kz.

«الماتى قالاسىندا اۆتوماتتى رەجيمدە جۇمىس ىستەيتىن 766 “سەرگەك” اۆتوماتتاندىرىلعان باعدارلامالىق قامتاماسىز ەتۋ جۇيەسى ورناتىلدى، بۇل 5034 كامەرانى قۇرايدى. ولار جىلدامدىقتى اسىرۋ، جول بەلگىلەرى مەن تاڭبالاۋ تالاپتارىن بۇزۋ، باعدارشامنىڭ تىيىم سالىنعان دابىلىنا ءجۇرۋ جانە قوعامدىق كولىككە ارنالعان جولاقپەن ءجۇرۋ سياقتى اكىمشىلىك قۇقىق بۇزۋشىلىقتاردى تىركەيدى. اكىمشىلىك نۇسقاۋلار ەراپ وڭدەۋ ورتالىعىنىڭ دەرەكتەر بازاسىندا قالىپتاسادى، ودان كەيىن كولىك يەلەرىنە سمس-حابارلاما جىبەرىلەدى. كولىك يەلەرى اكىمشىلىك ايىپپۇلدى 7 كۇن ىشىندە 50% جەڭىلدىكپەن تولەيدى. جەتى كۇننەن كەيىن ايىپپۇل 100% سوماعا اۋىستىرىلادى جانە 30 كۇن ىشىندە ەرىكتى تۇردە تولەنەدى. ق ر اقبتك-نىڭ 894-بابىنا سايكەس، 30 كۇننەن كەيىن اكىمشىلىك ۇيعارىم ماجبۇرلەپ ورىنداتۋ ءۇشىن جەكە سوت ورىنداۋشىلار پالاتاسىنا جولدانادى»، – دەدى الماتى قالاسى پد ءاپب-نىڭ اكىمشىلىك تاجىريبە ءبولىمىنىڭ اعا ينسپەكتورى سامات ءابجاپاروۆ.

پوليسيادا الماتى قالاسى اۋماعىندا بورىشكەرلەردى، سونداي-اق ءوز ەركىمەن اكىمشىلىك ايىپپۇلدى ۋاقتىلى تولەمەگەن ادامداردى انىقتاۋ بويىنشا تۇراقتى نەگىزدە شارالار قابىلدانىپ جاتقانىن اتاپ ءوتتى.