بۇل تۋرالى ق ر ءسىم حابارلادى.
ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى - ەۋروپالىق كوميسسيانىڭ ۆيسە-پرەزيدەنتى جوزەپ بوررەلل 2022 جىلعى 16-17 قاراشادا قازاقستانعا رەسمي ساپارمەن كەلەدى، دەپ حابارلايدى Almaty-akshamy.kz
«ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى - ەۋروپالىق كوميسسيانىڭ ۆيسە-پرەزيدەنتى جوزەپ بوررەلل 2022 جىلعى 16-17 قاراشادا قازاقستانعا رەسمي ساپارمەن كەلەدى. ساپار اياسىندا جوزەپ بوررەللدىڭ قازاقستان رەسپۋبليكاسى پرەمەر-مينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىمەن جانە مەملەكەت باسشىلىعىمەن ەكىجاقتى كەزدەسۋلەرى جوسپارلانعان»، - دەدى بريفينگتە سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
كەلىسسوزدەر بارىسىندا وزەكتى وڭىرلىك جانە حالىقارالىق ماسەلەلەر بويىنشا پىكىر الماسىپ، تاراپتار قازاقستان - ەۋروپالىق وداق ەكىجاقتى ىنتىماقتاستىقتىڭ پەرسپەكتيۆالارىن تالقىلايدى.