I. جوشى - شىڭعىس حاننىڭ العاشقى ايەلى بورتەدەن شامامەن 1182 جىلى تۋعان ۇلكەن ۇلى.
II. شىڭعىس حان بورتەدەن تۋعان ءتورت ۇلىنا بارلىق جەرىن ۇلەسكە بولگەندە جوشىنىڭ ەنشىسىنە ەرتىس وزەنىنەن باستاپ باتىسقا قاراي قىپشاق دالاسى تۇگەل تيەدى.
III. جوشى ۇلىسى - جوشىنىڭ ەكەسىنەن باسقارۋعا العان يەلىك جەرىنىڭ اتاۋى. استاناسىنىڭ ءبىرى - ءسارايشىق قالاسى.
IV. 1227 جىلى جوشى حان ورتالىق قازاقستان اۋماعىندا اڭ اۋلاپ ءجۇرىپ، اكەسى شىڭعىس حاننان جارتى جىل ەرتە قايتىس بولادى.
V. جوشى حان كەسەنەسى بۇگىنگە دەيىن ورتالىق قازاقتانداعى ۇلىتاۋدا تۇر.
VI. جوشى ۇلىسى 1236-1242 جج. جوشىنىڭ ەكىنشى ۇلى باتۋدىڭ «باتىسقا جەتى جىلدىق جورىعى» نەتيجەسىندە باتىستا دۋناي وزەنىنە دەيىن كەڭەيەدى.
VII. جوشى ۇلىسى 1269 جىلعى تالاس قۇرىلتايىنان سوڭ جەكە مەملەكەت بولىپ، التىن وردا اتالدى دەگەن عىلىمي تۇجىرىم قالىپتاسقان.
VIII. التىن وردا شىعىس ەۋروپانىڭ ورال تاۋلارىنان دنەپر وزەنىنىڭ وڭ جاق جاعالاۋىنا دەيىنگى جەرلەردى الىپ، سىبىرگە تەرەڭ بويلادى. وڭتۇستىگىندە قارا تەڭىزبەن، قاپقاز تاۋلارىمەن جانە پەرسيامەن شەكتەسەتىن اۋماقتى الىپ جاتتى.
IX. جوشى حاننىڭ ەكىنشى ۇلى - باتۋ حاننىڭ ۇرپاقتارى التىن وردادا 1227-1359 جج. (بەركە حاننىڭ 1256-1266 جج. بيلىگىمەن قوسا) 132 جىل بيلىك قۇردى.
X. جوشى ۇرپاقتارى - كەرەي مەن جەنىبەك حاندار جوشى ۇلىسىنىڭ سول قاناتىندا XV ع. ورتاسىندا شۋ بويىنداعى قوزىباسىدا قازاق حاندىعىنىڭ نەگىزىن قالاعان. قازاق حاندارى مەن سۇلتاندارى - جوشى ۇرپاقتارى.