بيىل مامىر ايىندا 2024 التىن وردانىڭ نەگىزىن قالاۋشى جوشى حان تۋرالى سەريالدىڭ وندىرىسكە شىعاتىنى تۋرالى اقپارات جاريالانعان ەدى.
اتالعان جوباعا اۋديتوريا عانا ەمەس، حالىقارالىق ديستريبيۋتورلار دا اسقان قىزىعۋشىلىق تانىتىپ وتىر، دەپ حابارلايدى aqshamnews.kz
جاقىندا استانادا Karga Seven Pictures وكىلدەرى قاتىسقان ەسەپ بەرۋ كەزدەسۋى ءوتتى. كەزدەسۋگە باس پروديۋسەر ءارى رەجيسسەر ەمرە ساحين، پروديۋسەر فيكرەت مانوگلۋ جانە قويۋشى-سۋرەتشى زەكي سارايوگلۋ قاتىستى. بۇل تۋرالى ەرلان قارين ءوزىنىڭ Instagram پاراقشاسىندا حابارلادى.
كەزدەسۋ بارىسىندا جوبانى جۇزەگە اسىرۋ مەن سەنارييدى اياقتاۋ ماسەلەلەرى تالقىلاندى. سەنارييدى جازۋعا «ۆيكينگي» جوباسىمەن تانىمال دجەيسون پوللارد، سونداي-اق «كورول ۆنە زاكونا» سەريالىنىڭ اۆتورى كلەر مۋرسوم جانە تاريحشىلار مەن حالىقارالىق ساراپشىلار قاتىستى. پروديۋسەرلەر الدىن الا دايىندىق جۇمىستارىنىڭ اياقتالعانىن مالىمدەدى: جوشى ۇلىسى مەن التىن وردانىڭ تاريحى زەرتتەلدى، كوشپەلى حالىقتاردىڭ مادەني قۇندىلىقتارى مەن تۇرمىسى زەردەلەندى، ءتۇسىرىلىم ورىندارىن ىزدەۋ (لوكاسيا سكاۋتينگ) جۇرگىزىلدى جانە كاستينگ پروسەسى باستالدى. ولار جوبانىڭ اۋديتوريا، فوكۋس-توپتار مەن حالىقارالىق ديستريبيۋتورلار تاراپىنان ۇلكەن قىزىعۋشىلىق تۋدىرىپ وتىرعانىن اتاپ ءوتتى.
جوشى حان تۋرالى ءفيلمدى ەكرانعا شىعارماق بۇل كوماندا Netflix پلاتفورماسىنداعى «ۆوسحود وسمانسكوي يمپەريي»، «يستوريا مويسەيا» جانە باسقا دا تانىمال جوبالاردى جاساعان.